ഡിസിസികൾ അഴിച്ചു പണിയുന്നു, നിയന്ത്രണം കെ സി വേണുഗോപാലിന്

ഉമ്മൻചാണ്ടിയെയും ചെന്നിത്തലയയും ഒഴിവാക്കികൊണ്ട് കേരളത്തിലെ ഡി സി സി കൾ ആകെ അഴിച്ചു പണിയാൻ ഹൈക്കമാന്റ് നീക്കം. ഇതിന് മുന്നോടിയായിട്ടുള്ള യോഗം നാളെ കൊച്ചിയിൽ നടക്കും.
കേരളത്തിൽ താഴെത്തട്ടിൽ കോൺഗ്രസിന് സജീവ സംഘന സംവിധാനം ഇല്ലെന്ന് എഐസിസി നേതൃത്വത്തിൽ നടത്തിയ സർവേയിൽ കണ്ടത്തിയതിനെ തുടർന്നാണ് ഈ നീക്കം. ഇതുവരെ മുതിർന്ന നേതാക്കളുമായി മാത്രം ആലോചിച്ചായിരുന്നു കേരളത്തിൽ താഴെത്തട്ടിൽ സംഘന സംവിധാനത്തിന്റെ പുന സംഘടനാ ആലോചനകൾ നടന്നത് ഇത് ആദ്യമായി മാറ്റുകയാണ്.
രാഹുലിന്റെ മനസാക്ഷിയായി മാറിയിരിക്കുന്ന കെ സി വേണുഗോപാലാണ് ഈ നീക്കങ്ങളുടെ ചുക്കാൻ പിടിക്കുന്നത്. നിയമസഭാ തിരഞ്ഞെടുപ്പ് ട്രാക്കിലേക്ക് മാറിയിരിക്കുന്നതിനാൽ ഗ്രൂപ്പ് നേതാക്കൾക്ക് തങ്ങളുടെ അനുയായികൾക്ക് വേണ്ടി വാദിക്കാനും കഴിയുന്നില്ല.
പുന സംഘടനയ്ക്ക് മുന്നോടിയായി സംഘടനാ സന്നാഹം എഐസിസി നേരിട്ടു വിലയിരുത്തുന്നുണ്ട് . ഇതിനായി നാളെ കൊച്ചിയിൽ പ്രത്യേക യോഗം വിളിച്ചു. എഐസിസി ജനറൽ സെക്രട്ടറിമാരായ താരിഖ് അൻവർ, കെ.സി. വേണുഗോപാൽ എന്നിവർ പങ്കെടുക്കുന്നത്. ഡിസിസി പ്രസിഡന്റുമാരെയും ഓരോ ജില്ലയുടെയും ചുമതലയുള്ള കെപിസിസി ജനറൽ സെക്രട്ടറിമാരെയുമാണു വിളിച്ചിരിക്കുന്നത്. കെപിസിസി പ്രസിഡന്റ് മുല്ലപ്പള്ളി രാമചന്ദ്രനും പങ്കെടുക്കും.

തദ്ദേശ തിരഞ്ഞെടുപ്പിൽ വ്യക്തമായ സംഘടനാ ദൗർബല്യങ്ങൾ പരിഹരിക്കാൻ ചെയ്ത കാര്യങ്ങൾ യോഗത്തിൽ റിപ്പോർട്ട് ചെയ്യാൻ ഡിസിസികളോടും ജനറൽ സെക്രട്ടറിമാരോടും ആവശ്യപ്പെട്ടു. തദ്ദേശ തിരഞ്ഞെടുപ്പിനു ശേഷം കേരളത്തിൽ തങ്ങുന്ന 3 എഐസിസി സെക്രട്ടറിമാരും ഇതിൽ പങ്കെടുക്കുന്നുണ്ട്. അവർ തങ്ങളുടെ റിപ്പോർട്ട് അവതരിപ്പിച്ചേക്കും

കേരളത്തിലെ എല്ലാ ബൂത്ത് കമ്മിറ്റികളും പുനഃസംഘടിപ്പിക്കുന്ന പ്രക്രിയ നടന്നെങ്കിലും അതു ശരിയായ രീതിയിൽ നടന്നില്ലന്നാണ് വിലയിരുത്തൽ. ഓരോ ജില്ലയിലെയും പുനഃസംഘടനയുടെ കൃത്യമായ കണക്ക്, പദയാത്രയുടെ വിശദാംശങ്ങൾ തുടങ്ങിയ കാര്യ ങ്ങൾ പരിശോധിച്ചാണ് നടപടി.

മണ്ഡലം, ബ്ലോക്ക് തലങ്ങളിൽ മാറ്റങ്ങൾ നടപ്പിലാക്കി പല കെപിസിസി സെക്രട്ടറിമാരും വൻ അഴിച്ചുപണി നിർദേശിച്ചിട്ടുണ്ട്. ചിലപ്പോൾ അടുത്തമാസം ആദ്യം യുവ നേതാക്കൾക്ക് മുൻഗണന നൽകയിയുള്ള അഴിച്ചുപണി വന്നേക്കും. ഉമ്മൻചാണ്ടി യും ചെന്നിത്തലയും കടുത്ത എതിർപ്പുമായി വന്നാൽ മാത്രം ഇത് മാറ്റിവയ്ക്കപ്പെടും .