രാജ്യം കൊവിഡിനെതിരെ പോരാട്ടം തുടങ്ങിയിട്ട് ഒരു വര്‍ഷം

രാജ്യം കൊവിഡിനെതിരായ പോരാട്ടം തുടങ്ങിയിട്ട് ഒരു വര്‍ഷം പിന്നിടുന്നു. കഴിഞ്ഞ വര്‍ഷം ജനുവരി 30ന് തൃശൂരിലാണ് ആദ്യ കൊവിഡ് കേസ് റിപ്പോര്‍ട്ട് ചെയ്തത്. വൈറസിനെ പ്രതിരോധിക്കാന്‍ വാക്സിന്‍ കൂടുതല്‍ പേരിലേക്ക് എത്തുന്നുന്നുവെന്നതാണ് ഒരു വര്‍ഷം പിന്നിടുമ്പോഴുള്ള ആശ്വാസം.
ഒരു വര്‍ഷമായി വൈറസിന്റെ നിയന്ത്രണത്തിലാണ് നാം. കൈ കഴുകിയും മാസ്‌കിട്ടും അകലം പാലിച്ചുമെല്ലാം കൊവിഡിനെ അകറ്റാനുള്ള ശ്രമങ്ങള്‍. എങ്കിലും ഇന്ന് ജീവനും ജീവിതവുമെല്ലാം കോവിഡിന് ചുറ്റുമാണ്. ആദ്യ ഘട്ടത്തില്‍ സംസ്ഥാനത്ത് രോഗം വന്നത് മൂന്ന് പേര്‍ക്ക്. രണ്ടാം ഘട്ടത്തില്‍ വിദേശത്ത് നിന്ന് എത്തിയവരിലായിരുന്നു രോഗബാധ കൂടുതല്‍. പക്ഷേ പിന്നാലെ സമൂഹവ്യാപനത്തിലേക്കെത്തി.
രാജ്യം മുഴുവന്‍ അടച്ചിട്ടു. നിരവധി ജീവനുകള്‍ നഷ്ടമായി.മറ്റ് സംസ്ഥാനങ്ങളില്‍ കേസുകള്‍ കുറയുമ്പോഴും കേരളത്തില്‍ രോഗികള്‍ വര്‍ധിക്കുന്നതാണ് ഇപ്പോഴത്തെ ആശങ്ക. ഒരു വര്‍ഷം പിന്നിടുമ്പോള്‍ വാക്സിന്‍ ആരോഗ്യപ്രവര്‍ത്തരിലേക്കെത്തി എന്നതാണ് പ്രതീക്ഷ നല്‍കുന്ന ഘടകം