ആദ്യ പ്രസവത്തില്‍ നാല് കണ്‍മണികള്‍; സന്തോഷം മറയ്ക്കാതെ മുസ്തഫ-മുബീന ദമ്പതിമാര്‍

ആദ്യ പ്രസവത്തില്‍ നാല് ആണ്മക്കളെ കിട്ടിയതിന്റെ സന്തോഷത്തിലാണ് പാലക്കാട് ജില്ലയിലെ ചളവറ പുലിയാനാം കുന്നത്ത് സ്വദേശി മുസ്തഫയും ഭാര്യ മുബീനയും. കഴിഞ്ഞവര്‍ഷം വിവാഹിതരായ ഇവര്‍ ഗര്‍ഭാവസ്ഥയുടെ ആരംഭത്തില്‍ തന്നെ തങ്ങള്‍ക്ക് നാല് കുഞ്ഞുങ്ങളാണ് ഉണ്ടാകാന്‍ പോകുന്നതെന്ന് മനസ്സിലാക്കിയിരുന്നു.
പെരിന്തല്‍മണ്ണ മൗലാന ആശുപത്രിയില്‍ കണ്‍സള്‍ട്ടന്റ് ഗൈനോക്കോളജിസ്റ്റ് ഡോക്ടര്‍ അബ്ദുല്‍ വഹാബിന്റെ ചികിത്സയില്‍ തുടര്‍ന്ന മുബീന എട്ടുമാസം തികഞ്ഞ വേളയില്‍ സിസേറിയന്‍ ശസ്ത്രക്രിയയിലൂടെയാണ് നാല് കുഞ്ഞുങ്ങള്‍ക്ക് ജന്മം നല്‍കിയത്. ജനുവരി 16ന് സിസേറിയനിലൂടെ കുഞ്ഞുങ്ങളെ പുറത്തെടുത്തത്.
1100 ഗ്രാം മുതല്‍ 1600 ഗ്രാം വരെ മാത്രം തൂക്കമുണ്ടായിരുന്ന കുഞ്ഞുങ്ങള്‍ക്ക് വളര്‍ച്ച കുറവ് ശ്വാസതടസ്സം എന്നീ കാരണങ്ങളാല്‍ മൗലാനാ നീയോ ബ്ളസ്റ്റില്‍ പ്രവേശിച്ചിരിക്കുകയാണ്. നാല് കുഞ്ഞുങ്ങളും സുഖം പ്രാപിച്ചു വരുന്നതായി കണ്‍സള്‍ട്ട് നിയോനാറ്റോളജിസ്റ്ററ്റ് ഡോക്ടര്‍ ജയചന്ദ്രന്‍ അറിയിച്ചു.
ചീഫ് കണ്‍സല്‍ട്ടന്റ് നിയോനാറ്റോളജിസ്റ്റ് ഡോ. ജയചന്ദ്രന്റെയും സഹ ഡോക്ടര്‍മാരുടെയും പരിചരണത്തിലാണ് ഇപ്പോള്‍. കുഞ്ഞുങ്ങള്‍ക്ക് അയാന്‍ ആദം, അസാന്‍ ആദം, ഐസിന്‍ ആദം, അസ്‌വിന്‍ ആദം എന്നീ പേരുകളും നല്‍കി.