രാജ്യത്ത് നാല് കോവിഡ് വാക്സിനുകള്‍ക്ക് കൂടി അനുമതി നല്‍കുന്നത് പരിഗണനയിലെന്ന് കേന്ദ്രം: കേന്ദ്ര ആരോഗ്യ സെക്രട്ടറി

ഡല്‍ഹി: നാല് കോവിഡ് വാക്സിനുകള്‍ക്ക് കൂടി രാജ്യത്ത് അനുമതി നല്‍കുന്നത് പരിഗണനയിലാണെന്ന് കേന്ദ്ര ആരോഗ്യ സെക്രട്ടറി രാജേഷ്​ ഭൂഷണ്‍ പറഞ്ഞു. സിഡസ്​ കാഡില, റഷ്യയുടെ സ്പുട്നിക്​ വി, ജെനോവ, ബയോളജിക്കല്‍ ഇ എന്നിവക്ക് അനുമതി നല്‍കുന്ന കാര്യം പരിശോധിച്ചുവരികയാണെന്ന് ചൊവ്വാഴ്​ച വാര്‍ത്താസമ്മേളനത്തില്‍ അദ്ദേഹം വ്യക്​തമാക്കി.

രാജ്യത്ത്​ ആകെ 2,16,558 രോഗികളാണ്​ നിലവിലുള്ളത്​. ഇതില്‍ കേരളത്തിലും മഹാരാഷ്​ട്രയിലും മാത്രമാണ്​ 50,000ത്തിനു മുകളില്‍ രോഗികളുള്ളതെന്നും അദ്ദേഹം വ്യക്​തമാക്കി. ജനുവരി 16നാണ്​ രാജ്യത്ത്​ ഒന്നാംഘട്ട വാക്​സിന്‍ വിതരണം ആരംഭിക്കുന്നത്​. സര്‍ക്കാര്‍ സ്വകാര്യ മേഖലയിലെ ഒരുകോടി ആരോഗ പ്രവര്‍ത്തകര്‍ക്കും രണ്ടുകോടി കോവിഡ്​ മുന്‍നിര പ്രവര്‍ത്തകര്‍ക്കുമാണ്​ ആദ്യഘട്ട വാക്​സിന്‍ നല്‍കുക.