ട്രംപിനെ പുറത്താക്കാന്‍ തയാറല്ല: ജോ ബൈഡന്‍

വാഷിംഗ്ടണ്‍: അമേരിക്കന്‍ കാപിറ്റോള്‍ മന്ദിരത്തില്‍ അരങ്ങേറിയ അക്രമസംഭവങ്ങളില്‍ പ്രസിഡന്റ് ഡൊണാള്‍ഡ് ട്രംപിനെ ഇംപീച്ച്ചെയ്യാന്‍ വേണ്ട നടപടികള്‍ നിയുക്ത പ്രസിഡന്റ് ജോ ബൈഡന്റെ ഭാഗത്ത് നിന്നും ഉണ്ടാകില്ല എന്ന് സൂചനകള്‍. പ്രതിനിധി സഭയിലെ സ്പീക്കര്‍ നാന്‍സി പെലോസിയുമായി ട്രംപിനെ ഇംപീച്ച് ചെയ്യാനുള്ള സാധ്യതകളെക്കുറിച്ച് നടത്തിയ ചര്‍ച്ചക്ക് ശേഷമാണ് ബൈഡന്‍ ഇക്കാര്യത്തെപ്പറ്റി സൂചന നല്‍കിയത്. എന്നാല്‍ പ്രസിഡന്റ് പദവിയിലിക്കാന്‍ ട്രംപ് യോഗ്യനല്ലെന്ന് ബൈഡന്‍ കൂട്ടിച്ചേര്‍ത്തു.

അധികാരത്തില്‍ തുടരാന്‍ 6 മാസമെങ്കിലും ബാക്കിയുണ്ടായിരുന്നെങ്കില്‍ അദ്ദേഹത്തിനെതിരെ ഇംപീച്ച് നടപടികള്‍ സ്വീകരിക്കാമായിരുന്നു. ഇപ്പോള്‍ താന്‍ പദവി ഏറ്റെടുക്കുന്നതിലാണ് ശ്രദ്ധയുന്നുന്നത് ,സ്ഥാനമേല്‍ക്കാന്‍ ഇനി രണ്ടാഴ്ച്ചയേ ബാക്കിയുള്ളു എന്നും ബൈഡന്‍ വ്യക്തമാക്കി. ട്രംപിനെ ഇംപീച്ച് ചെയ്യണം എന്നാവശ്യപ്പെട്ട് റിപ്പബ്ലിക്കന്‍ പാര്‍ട്ടിയില്‍ നിന്നുതന്നെ നിരവധി പേരാണ് രംഗത്ത് വന്നിരിക്കുന്നത്. ഭരണഘടനയുടെ 25 അംഭേദഗതി ഉപയോഗിച്ച് ട്രംപിനെ പുറത്താക്കണം എന്നാണ് ഇവരുടെ ആവശ്യം.