മഹീന്ദ്ര രണ്ടാം തലമുറ ഥാറിന് ഒറ്റ മാസം കൊണ്ട് 6500 ബുക്കിംഗുകള്‍

മഹീന്ദ്ര രണ്ടാം തലമുറ ഥാറിന് ഒറ്റ മാസം കൊണ്ട് 6500 ബുക്കിംഗുകള്‍ ലഭിച്ചു. ഥാറിനെ അവതരിപ്പിച്ചത് 2020 ആഗസ്റ്റ് 15-നാണ് . ഒക്ടോബര്‍ 2ന് ഗാന്ധി ജയന്തി ദിനത്തില്‍ വില പ്രഖ്യാപിച്ച്‌ ബുക്കിംഗും ആരംഭിച്ചു. കോവിഡ് പ്രതിസന്ധിക്കിടയിലും മികച്ച പ്രതികരണമാണ് വിപണിയില്‍ നിന്ന് ലഭിക്കുന്നത് . കൊവിഡ് 19 പ്രതിരോധ പ്രവര്‍ത്തനങ്ങള്‍ക്കായി പണം കണ്ടെത്താന്‍ ലേലത്തിനു വച്ച ആദ്യ ഥാര്‍ 1.11 കോടി രൂപ വാഗ്ദാനം ചെയ്‍താണ് ഡല്‍ഹി സ്വദേശി ആകാശ് മിന്ദ സ്വന്തമാക്കിയത്. വിപണിയിലെത്തി ഒരു മാസത്തിനുള്ളില്‍ ഥാര്‍ 20,000 ബുക്കിംഗുകള്‍ നേടിയിരുന്നു. എല്ലാ വേരിയന്‍റുകളും 2021 മെയ് വരെ വിറ്റുംപോയി. 2000 യൂണിറ്റാണ് വാഹനത്തിന്റെ പ്രതിമാസ ഉത്പാദനം.

2020 ഡിസംബറില്‍ മാത്രം ഥാറിന് 6500 ബുക്കിംഗുകള്‍ ലഭിച്ചു എന്നാണ് ഓട്ടോ കാര്‍ ഇന്ത്യ റിപ്പോര്‍ട്ട് ചെയ്യുന്നത്. അതില്‍ 50 ശതമാനവും ഓട്ടമാറ്റിക് വകഭേദത്തിനാണെന്നും മഹീന്ദ്ര പറയുന്നു. നിലവിലെ മോഡലിനെ അപേക്ഷിച്ച്‌ രണ്ട് എന്‍ജിന്‍ ഓപ്ഷനുകളിലും കൂടുതല്‍ ട്രാന്‍സ്‍മിഷനുകളിലും എത്തുന്നു എന്നതാണ് ഥാറിന്റെ പ്രത്യേകത . മഹീന്ദ്രയുടെ എംസ്റ്റാലിയന്‍ ശ്രേണിയിലെ 2.0 ലിറ്റര്‍ പെട്രോള്‍ എന്‍ജിനും 2.2 എംഹോക്ക് ഡീസല്‍ എന്‍ജിനുമാണ് ഥാറിന് കരുത്തേകുന്നത്. നിലവില്‍ അക്വമറീന്‍, നാപോളി ബ്ലാക്ക്, റോക്കി ബീജ്, റെഡ് റേജ്, മിസ്റ്റിക് കോപ്പര്‍, അക്വമറീന്‍ ഗാലക്സി ഗ്രേ എന്നിങ്ങനെ 6 നിറങ്ങളിലാണ് ഥാര്‍ എത്തുന്നത്.

മുന്‍തലമുറ ഥാറില്‍ നിന്ന് വലിയ മാറ്റങ്ങളുമായെത്തിയ പുതിയ മോഡലിന്‍റെ രൂപം ഐക്കണിക്ക് അമേരിക്കന്‍ വാഹനം ജീപ്പ് റാംഗ്ളറിനോട്‌ ഏറെ സാമ്യമുള്ളതാണ്. ഥാര്‍ AX സീരീസ്, LX സീരീസ് എന്നി രണ്ട് വേരിയന്റുകളില്‍ 2020 ഥാര്‍ ലഭ്യമാകും. AX സീരീസ് കൂടുതല്‍ അഡ്വഞ്ചര്‍-ഓറിയന്റഡ് പതിപ്പാണ്, LX സീരീസ് കൂടുതല്‍ ടാര്‍‌മാക്-ഓറിയന്റഡ് വേരിയന്റാണ്.