ബിഗ് ബഡ്ജറ്റ് ചിത്രം പൊന്നിയിന്‍ സെല്‍വന്‍റെ ചിത്രീകരണം പുനരരാരംഭിച്ചു

മണിരത്നം സംവിധാനം ചെയ്യുന്ന ബിഗ് ബഡ്ജറ്റ് ചിത്രമാണ് പൊന്നിയിന്‍ സെല്‍വന്‍. വലിയ തറ നിരയില്‍ ഒഇരുങ്ങുന്ന ചിത്രം കോവിഡിന് ഇന്ന് ചിത്രീകരണം പുനരാരംഭിച്ചു. കോവിഡ് പ്രോട്ടോക്കോള്‍ പാലിച്ച്‌ ഹൈദരാബാദില്‍ ആണ് ചിത്രീകരണം ആരംഭിച്ചിരിക്കുന്നത്.

അമിതാഭ് ബച്ചന്‍, ജയറാം, ഐശ്വര്യ റായ്, വിക്രം, ജയം രവി, കാര്‍ത്തി, പാര്‍ഥിപന്‍, സത്യരാജ്, കീര്‍ത്തി സുരേഷ്, അമല പോള്‍, തുടങ്ങിയ വന്‍ താര നിരതന്നെയാണ് ചിത്രത്തില്‍ അണിനിരക്കുന്നത്. ഓസ്കാര്‍ പുരസ്കാരം നേടിയ സംഗീത സംവിധായകന്‍ എ.ആര്‍ റഹ്‌മാന്‍ ആണ് പൊന്നിയന്‍ സെല്‍വന്റെ പശ്ചാത്തല സ്‌കോറും സംഗീതവും ഒരുക്കുന്നത്. തന്റെ വരാനിരിക്കുന്ന പീരിയഡ് ചിത്രമായ പൊന്നിയിന്‍ സെല്‍വന്‍ രണ്ട് ഭാഗങ്ങളായി നിര്‍മ്മിക്കുമെന്ന് സംവിധായകന്‍ മണിരത്നം നേരത്തെ അറിയിച്ചിരുന്നു.

കല്‍ക്കി കൃഷ്ണമൂര്‍ത്തിയുടെ പൊന്നിയിന്‍ സെല്‍വന്‍ എന്ന കൃതിയെ ആസ്പദമാക്കിയാണ് മണിരത്നം ഈ ബിഗ് ബജറ്റ് ചിത്രം ഒരുക്കുന്നത്. ചോളസാമ്രാജ്യത്തിലെ രാജാവായിരുന്ന അരുള്‍മൊഴിവര്‍മ്മനെ (രാജരാജ ചോളന്‍ ഒന്നാമന്‍) കുറിച്ചുള്ളതാണ് ഈ കൃതി.തമിഴ്, തെലുങ്ക്, ഹിന്ദി എന്നീ ഭാഷകളില്‍ ചിത്രം പ്രദര്‍ശനത്തിന് എത്തും.