ഇതേത് ലിപിയെന്ന് ഡിഎംഒയും; ആര്‍ക്കും മനസ്സിലാവാത്ത മരുന്ന് കുറിപ്പടിയില്‍ ആശുപത്രി സൂപ്രണ്ടിനോട് വിശദീകരണം തേടി

ആര്‍ക്കും വായിച്ചാല്‍ മനസ്സിലാവാത്ത തരത്തില്‍ മരുന്ന് കുറിപ്പടി എഴുതുന്ന ചില ഡോക്ടര്‍മാരുടെ രീതി നേരത്തെ പലവട്ടം ചര്‍ച്ചയാതാണ്. ഡോക്ടര്‍ക്കും മെഡിക്കല്‍ ഷോപ്പുകാരനും മാത്രം മനസ്സിലാവുന്ന ഒരു കോഡ് ഭാഷ പോലെയാണ് രോഗികള്‍ ഇത്തരം മരുന്ന് കുറിപ്പടികളെ കാണുന്നത് പോലും. എന്നാല്‍ ഇത്തവണ ഒരു ഡോക്ടറുടെ കുറിപ്പടി വിവാദമായിരിക്കുകയാണ്.വായിച്ചാല്‍ ഒന്നും മനസ്സിലാവാത്ത തരത്തില്‍ കൊട്ടാരക്കര താലൂക്ക് ആശുപത്രിയിലെ ഡോക്ടര്‍ എഴുതിയ കുറിപ്പടിയില്‍ ആശുപത്രി സൂപ്രണ്ടിനോട് വിശദീകരണം തേടിയിരിക്കുകയാണ് കൊല്ലം ഡിഎംഒ.
കുറിപ്പടി സോഷ്യല്‍ മീഡിയയില്‍ പ്രചരിച്ചതോടെയാണ് ഡിഎംഒ സംഭവത്തില്‍ റിപ്പോര്‍ട്ട് തേടിയത്. തന്റെ കൈയ്യക്ഷരം മോശമാണെന്നും ആശുപത്രിയില്‍ തിരക്കായിരുന്നതു കൊണ്ടാണ് ഇങ്ങനെ സംഭവിച്ചതെന്നുമാണ് മരുന്ന് കുറിച്ച ഡോക്ടര്‍ പറയുന്നത്.