4ജി വൗച്ചറിലെ വോയ്‌സ് കോള്‍ ഓഫറുകള്‍ നീക്കി ജിയോ

4ജി വൗച്ചറിലെ വോയ്‌സ് കോള്‍ ഓഫറുകള്‍ നീക്കി ജിയോ.2020​ന്റെ തുടക്കത്തിലാണ് ജിയോ ടോക്ക് ടൈം പ്ലാനുകള്‍ക്കൊപ്പം 100 ജിബി വരെയുള്ള സൗജന്യ ഡാറ്റ വൗച്ചറുകള്‍ നല്‍കാന്‍ തുടങ്ങിയത്.ഓഫ്-നെറ്റ് കോളുകള്‍ക്കായി ഉപയോക്താക്കള്‍ ചെലവഴിക്കുന്ന ഓരോ 10 രൂപയ്ക്കും ഒരു ജിബി ഡാറ്റ വെച്ചായിരുന്നു ജിയോ നല്‍കിക്കൊണ്ടിരുന്നത്​.

1,000 രൂപ ടോക്ക് ടൈം പ്ലാനിനൊപ്പം 100 ജിബി സൗജന്യ ഡാറ്റയും ജിയോ വാഗ്ദാനം ചെയ്തിരുന്നു. 20 രൂപ റീച്ചാര്‍ജ്​ ചെയ്​താല്‍ രണ്ട്​​ ജിബി ഡാറ്റ ലഭിക്കുന്നതിനൊപ്പം ആ 20 രൂപ ഉപയോഗിച്ച്‌​ മറ്റൊരു ഡാറ്റാ വൗച്ചറും റീച്ചാര്‍ജ്​ ചെയ്യാന്‍ ജിയോ ആപ്പിലൂടെ സാധിക്കുമായിരുന്നു.

ഫോണില്‍ കൂടുതല്‍ ഡാറ്റ വേണ്ടവര്‍ക്ക്​ വലിയ ഉപകാരമായിരുന്ന ബെനിഫിറ്റാണ്​ ജിയോ നിര്‍ത്തലാക്കുന്നത്​. പരിധിയില്ലാത്ത ഓഫ്-നെറ്റ് കോളുകള്‍ നല്‍കാന്‍ കമ്പനി ആരംഭിച്ചതോടെയാണ്​ സൗജന്യ ഡാറ്റ വൗച്ചറുകള്‍ നിര്‍ത്തുന്നത്.