വിപണിയിലേക്ക് വീണ്ടും ശക്തമായ തിരിച്ചു വരവിനൊരുങ്ങി ലാവ മൊബൈല്‍സ്

വിപണിയിലേക്ക് വീണ്ടും ശക്തമായ തിരിച്ചു വരവിനൊരുങ്ങുന്നതിന്റെ ഭാഗമായി പുത്തന്‍ ഫോണുകള്‍ അവതരിപ്പിക്കാനിരിക്കുകയാണ് ഇന്ത്യന്‍ സ്മാര്‍ട്ട്‌ഫോണ്‍ ബ്രാന്‍ഡായ ലാവ മൊബൈല്‍സ്. ജനുവരി 7 നു പുത്തന്‍ ഫോണുകള്‍ വിപണിയില്‍ എത്തിക്കാനാണ് ശ്രമമെന്ന് ലാവ മൊബൈല്‍സ് ട്വീറ്റ് ചെയ്തു. ഫോണുകളെപ്പറ്റി യാതൊരു വിവരവും നല്‍കാതെയാണ് ലാവ മൊബൈല്‍സ് ടീസര്‍ ചിത്രം പുറത്തുവിട്ടിരിക്കുന്നത്. ProudlyIndian ഹാഷ്ടാഗ് ഉപയോഗിച്ചാണ് ലാവയുടെ ട്വീറ്റ്. 2 ജിബി റാമും 32 ജിബി ഇന്റേണല്‍ സ്റ്റോറേജും ഈ ഫോണിനുണ്ട്. മൈക്രോ എസ്ഡി കാര്‍ഡ് വഴി മെമ്മറി 256 ജിബി വരെ വര്‍ധിപ്പിക്കാം

റിപ്പോര്‍ട്ടുകള്‍ അനുസരിച്ച് 4 പുത്തന്‍ സ്മാര്‍ട്ട്‌ഫോണുകളാണ് ലാവ മൊബൈല്‍സ് പുതുതായി വില്പനക്കെത്തിക്കുക. Rs 5,000, Rs 10,000, Rs 15,000, Rs 20,000 എന്നിങ്ങനെയാവും ഈ നാല് ഫോണുകളുടെയും വില. പുത്തന്‍ ഫോണുകളുടെ വരവിന് മുന്നോടിയായി അടുത്തിടെയാണ് സ്ത്രീകള്‍ക്ക് പ്രത്യേകമായി ബിയു എന്ന ഫോണ്‍ ലാവ വില്പനക്കെത്തിച്ചത്. ധാരാളം സുരക്ഷാ ആപ്പുകള്‍ പ്രീ-ബില്‍റ്റ് ആയി വില്പനക്കെത്തിയ ലാവ ബിയുവിന് 6,888 രൂപയാണ് വില. 1560 x 720 പിക്സല്‍ സ്‌ക്രീന്‍ റെസല്യൂഷനും 19.5: 9 വീക്ഷണാനുപാതവുമുള്ള 6.08 ഇഞ്ച് എച്ച്ഡി + ഡിസ്പ്ലേയാണ് ലാവ ബിയുവിന്. IMG8322 ജിപിയുവുമായി ചേര്‍ന്ന് പ്രവര്‍ത്തിക്കുന്ന1.6GHz ഒക്ടാകോര്‍ പ്രോസസറാണ് സ്മാര്‍ട്ട്ഫോണിന്റെ കരുത്ത്. .13 മെഗാപിക്‌സല്‍ ക്യാമറ (എഫ് / 1.85 അപ്പര്‍ച്ചര്‍), എല്‍ഇഡി ഫ്‌ലാഷ്, 2 മെഗാപിക്‌സല്‍ ഡെപ്ത് സെന്‍സര്‍ എന്നിവയുള്ള ഡ്യുവല്‍ റിയര്‍ ക്യാമറയാണ് ലാവ ബിയുവിന്. മുന്‍വശത്ത്, എഫ് / 2.2 അപ്പേര്‍ച്ചറുള്ള 8 മെഗാപിക്‌സല്‍ ഷൂട്ടറും ക്രമീകരിച്ചിട്ടുണ്ട്. ആന്‍ഡ്രോയിഡ് 10 ഗോ ഓപ്പറേറ്റിംഗ് സിസ്റ്റത്തില്‍ പ്രവര്‍ത്തിക്കുന്ന ലാവ ബിയുവിന് 4060 mAh കപ്പാസിറ്റിയുള്ള അഴിച്ചു മാറ്റാവുന്ന ബാറ്ററിയാണ്.