മമ്മൂട്ടി, മഞ്ജുവാര്യര്‍ ഒന്നിക്കുന്ന ആദ്യ ചിത്രം ‘ദ പ്രീസ്റ്റി’ന്റെ ഡബ്ബിംഗ് ആരംഭിച്ചു

മമ്മൂട്ടി ചിത്രം 'ദ പ്രീസ്റ്റി'ന്റെ ഡബ്ബിംഗ് ആരംഭിച്ചു. മമ്മൂട്ടിയും മഞ്ജു വാര്യരും ആദ്യമായി ഒന്നിക്കുന്ന ചിത്രമാണിത്. ചിത്രത്തിന്റെ ഷൂട്ടിംഗ് നവംബര്‍ ആദ്യ വാരത്തില്‍ തന്നെ പൂര്‍ത്തിയായിരുന്നു.

സിനിമയ്ക്കായി ഡബ്ബിംഗ് ചെയ്യുന്ന നടി സാനിയ ഇയ്യപ്പന്റെ ചിത്രങ്ങളാണ് പ്രീസ്റ്റ് അണിയറപ്രവര്‍ത്തകര്‍ ഇപ്പോള്‍ പുറത്തുവിട്ടിരിക്കുന്നത്. ചിത്രത്തില്‍ ഒരു പ്രധാന വേഷത്തിലാണ് സാനിയ വേഷമിടുന്നത്. നിഖില വിമല്‍, ശ്രീനാഥ് ഭാസി, കൈദി ഫെയിം ബേബി മോണിക്ക, ജഗദീഷ്, മധുപാല്‍ എന്നിവരാണ് ചിത്രത്തിലെ മറ്റ് താരങ്ങള്‍. വളരെ സസ്പെന്‍സ് നിറഞ്ഞ കഥയായിരിക്കും സിനിമയുടേതെന്നാണ് അണിയറ പ്രവര്‍ത്തകരും പറയുന്നത്.