സൗദിയില്‍ വീണ്ടും വിദേശ വിമാന സര്‍വീസുകള്‍ നിര്‍ത്തി വച്ചു

റിയാദ്: ജനിതക മാറ്റം സംഭവിച്ച പുതിയ തരം കോവിഡ് വൈറസിന്റെ വ്യാപനം ചില വിദേശരാജ്യങ്ങളില്‍ റിപ്പോര്‍ട്ട് ചെയ്ത പശ്ചാത്തലത്തില്‍ സൗദി അറേബ്യയില്‍ വീണ്ടും അന്താരാഷ്ട്ര വിമാന സര്‍വീസിന് വിലക്കേര്‍പ്പെടുത്തി. ആഭ്യന്തര മന്ത്രാലയത്തിന്റെതാണ് ഈ അറിയിപ്പ്. താല്‍കാലികമായി ഒരാഴ്ചത്തേക്കാണ് നിലവില്‍ വിദേശ വിമാന സര്‍വീസുകള്‍ നിര്‍ത്തി വച്ചിരിക്കുന്നത്. അത്യാവശ്യ സര്‍വിസൊഴികെ എല്ലാ അന്താരാഷ്ട്ര വിമാന സര്‍വിസുകളും നിര്‍ത്തി.

ക്വാറന്റീന്‍ കാലയളവില്‍ കോവിഡ് പരിശോധന നടത്തണം. ഓരോ അഞ്ച് ദിവസത്തിലും പരിശോധന ആവര്‍ത്തിക്കണം. കഴിഞ്ഞ മൂന്ന് മാസത്തിനിടയില്‍ ഏതെങ്കിലും യൂറോപ്യന്‍ രാജ്യത്ത് നിന്ന് മടങ്ങിയെത്തിയവര്‍ അല്ലെങ്കില്‍ പകര്‍ച്ചവ്യാധി പ്രത്യക്ഷപ്പെട്ട ഏതെങ്കിലും രാജ്യങ്ങളിലൂടെ കടന്നുപോയവര്‍ കോവിഡ് പരിശോധന നടത്തണം. എന്നാല്‍ പുതിയ വൈറസ് ബാധ റിപ്പോര്‍ട്ട് ചെയ്യാത്ത രാജ്യങ്ങളില്‍ നിന്നുള്ള ചരക്ക് ഗാതഗതത്തെ വിലക്കില്‍ നിന്ന് ഒഴിവാക്കിയിട്ടുണ്ട്.