ബ്രിട്ടണില്‍ കണ്ടെത്തിയ പ്രത്യേക തരം കോവിഡ് നിയന്ത്രണാതീതമായെന്ന് റിപ്പോര്‍ട്ടുകള്‍ യുകെ ആരോഗ്യ സെക്രട്ടറി

ലണ്ടന്‍: ബ്രിട്ടണില്‍ കണ്ടെത്തിയ പ്രത്യേക തരം കൊറോണ വൈറസ് നിയന്ത്രണാതീതമാണെന്ന് റിപ്പോര്‍ട്ടുകള്‍. ബ്രിട്ടണനുപുറമെ ചില യൂറോപ്യന്‍ രാജ്യങ്ങളിലും ഈ പ്രത്യേക തരം കൊറോണ വൈറസ് നിയന്ത്രണാതീതമാണെന്ന് റിപ്പോര്‍ട്ടുകള്‍ കണകാക്കുന്നു.യുകെ ആരോഗ്യ സെക്രട്ടറി മാറ്റ് ഹാന്‍കോക്ക് ആണ്മുന്നറിയിപ്പ് നല്‍കിയിരിക്കുന്നത്.

ഒരു വാക്‌സീന്‍ പുറത്തിറക്കുന്നതുവരെ ബ്രിട്ടന്റെ ചില ഭാഗങ്ങളില്‍ ലോക്ഡൗണിലൂടെ നിയന്ത്രണങ്ങള്‍ കര്‍ശനമാക്കാന്‍ നിര്‍ദേശിച്ചു.ലണ്ടനിലും തെക്കുകിഴക്കന്‍ ബ്രിട്ടനിലും ഞായറാഴ്ച ലോക്ഡൗണ്‍ പ്രാബല്യത്തില്‍ വന്നതോടെ 1.6 കോടിയിലധികം ജനങ്ങള്‍ ഇപ്പോള്‍ വീട്ടില്‍ തന്നെ കഴിയുകയാണ്.ക്രിസ്മസ്, പുതുവല്‍സര ആഘോഷങ്ങളെല്ലാം നിയന്ത്രിക്കാന്‍ ഉത്തരവുണ്ട്. സാമൂഹിക അകലം പാലിക്കുന്നത് സംബന്ധിച്ച നിയമങ്ങളില്‍ ഇളവ് കൊണ്ടുവരാനുള്ള നീക്കവും സര്‍ക്കാര്‍ റദ്ദാക്കി.എന്നാല്‍, വൈറസിന്റെ പുതിയ വകഭേദം കൂടുതല്‍ കഠിനമായ രോഗത്തിന് കാരണമാകില്ലെന്ന് ലോകാരോഗ്യ സംഘടനയിലെ കോവിഡ് 19 ടെക്‌നിക്കല്‍ ലീഡ് മരിയ വാന്‍ കെര്‍കോവ് ബിബിസിയോട് പറഞ്ഞു.