ജ്വല്ലറിത്തട്ടിപ്പില്‍ മുസ്ലിംലീഗ് നേതാവ് ഖമറുദ്ദീനെതിരെ തലശേരിയിലും കേസ്

കണ്ണൂര്‍: തലശേരി ഫാഷന്‍ ഗോള്‍ഡ് ജ്വല്ലറി നിക്ഷേപ തട്ടിപ്പുമായി ബന്ധപ്പെട്ട് മുസ്ലിംലീഗ് നേതാവ് എം സി ഖമറുദ്ദീന്‍ എംഎല്‍എക്കും പൂക്കോയ തങ്ങള്‍ക്കുമെതിരെ തലശേരിയിലും കോടതി നിര്‍ദേശപ്രകാരം കേസെടുത്തു. പാനൂരിനടുത്ത കൊളവല്ലൂരിലെ കുനിയില്‍ മൂസ, തൂവക്കുന്നിലെ കാരായില്ലത്ത് സുഹറ എന്നിവരുടെ പരാതിയുടെ അടിസ്ഥാനത്തിലാണ് തലശേരി ടൗണ്‍ പൊലീസ് കേസെടുത്തത്.

ജ്വല്ലറിയിലേക്ക് അഞ്ചുലക്ഷം രൂപ വീതം നിക്ഷേപമായി സ്വീകരിച്ച് വഞ്ചിച്ചുവെന്നാണ് പരാതി.2008ലാണ് നിക്ഷേപം സ്വീകരിച്ചത്. മുസ്ലിംലീഗുമായി ബന്ധമുള്ള കൂടുതല്‍പേര്‍ തലശേരിയില്‍ തട്ടിപ്പിനിരയായതായി സൂചനയുണ്ട്.