ജപ്പാനില്‍ കനത്ത മഞ്ഞു വീഴ്ച; ആയിരത്തിലേറേ ആളുകള്‍ എക്‌സ്പ്രസ് വേയില്‍ കുടുങ്ങി

ടോക്കിയോ: ജപ്പാനിലെ മിന്നമി-ഒന്നുമയില്‍ കനത്ത മഞ്ഞുവീഴ്ച തുടങ്ങി. ഇതേ തുടര്‍ന്ന് ആയിരത്തിലേറേ ആളുകളാണ് ടോക്കിയോയെയും നീഗാട്ടയെയും ബന്ധിപ്പിക്കുന്ന കനേത്സു എക്‌സ്പ്രസ് വേയില്‍ കുടുങ്ങിയിരിക്കുന്നത്. വ്യാഴാഴ്ച രാത്രിയിലാണ് സംഭവം.

ബുധനാഴ്ച ഒരു കാര്‍ ഐസിനുള്ളില്‍ ഉറഞ്ഞു പോയതിനെ തുടര്‍ന്ന് രൂപം കൊണ്ട ഗതാഗത കുരുക്ക് ഇന്നലെയും തുടര്‍ന്നതായി എക്‌സ്പ്രസ് വേയുടെ നടത്തിപ്പ് ചുമതലയുള്ള നിപ്പോണ്‍ കമ്പനി പ്രസ്താവനയില്‍ അറിയിച്ചു.15 കിലോമീറ്റോളം നീളത്തില്‍ വാഹനങ്ങളുടെ നീണ്ട നിര രൂപപ്പെട്ടതായും 40 മണിക്കൂറില്‍ കൂടുതല്‍ ആളുകള്‍ വാഹനങ്ങള്‍ക്കുള്ളില്‍ കുടുങ്ങിയതായും നിപ്പോണ്‍ അറിയിച്ചു. ശക്തമായ മഞ്ഞ് മഴയെത്തുടര്‍ന്ന് വൈദ്യുതി ലൈനുകളും ജലവിതരണവുമെല്ലാം തടസപ്പെട്ടു.