കേരളത്തിലേക്ക് ഇനി താനില്ല, ശ്രീധരന്‍ പിള്ള

കേരള ബി ജെ പി രാഷ്ട്രീയം ഗ്രൂപ്പ് പോരില്‍ കൊടുമ്പിരികൊണ്ടിരിക്കേ തന്റെ നിലപാട് വ്യക്തമാക്കി മിസോറാം ഗവര്‍ണര്‍ ശ്രീധരന്‍ പിള്ള.

ഗവര്‍ണര്‍ പദവി വലിച്ചെറിഞ്ഞ് കേരള രാഷ്ട്രീയത്തിലേക്ക് മടങ്ങിവരാനില്ലെന്ന് മിസോറാം ഗവര്‍ണര്‍ പി.എസ്. ശ്രീധരന്‍ പിള്ള. അങ്ങനെ കുട്ടിക്കളി പോലെ വലിച്ചെറിയേണ്ടതല്ല ഗവര്‍ണര്‍ പദവിയെന്നും അദ്ദേഹം പറഞ്ഞു. ക്രൈസ്തവ സഭകളെക്കുറിച്ച് എഴുതിയ പുസ്തകത്തിന്റെ പ്രകാശന ചടങ്ങിന് തിരുവനന്തപുരത്ത് എത്തിയതായിരുന്നു അദ്ദേഹം.

ഗവര്‍ണറുടെ പോസ്റ്റ് ഏറ്റവും ഉയര്‍ന്ന ഭരണഘടനാ പദവികളിലൊന്നാണെന്ന് ശ്രീധരന്‍ പിള്ള പറഞ്ഞു. അതിനെ കുട്ടിക്കളി പോലെ വലിച്ചെറിയാന്‍ തയ്യാറാവില്ല. തന്റെ ഭാഗത്തുനിന്ന് അതിനുള്ള നിഷേധാത്മക സമീപനം ഉണ്ടാകില്ല. തീരുമാനം എടുക്കേണ്ടത് തന്നെ നിയമിച്ചവരാണ്.

കുമ്മനം രാജശേഖരന്‍ ഗവര്‍ണര്‍ പദവി രാജിവെച്ച് ലോക്സഭാ തിരഞ്ഞെടുപ്പില്‍ മത്സരിച്ചത്. ആ ഒഴിവിലാണ് പി.എസ്. ശ്രീധരന്‍ പിള്ള ഗവര്‍ണറായത് അതുകഴിഞ്ഞ് വിവിധി പോസ്റ്റുകളിലേക്ക് കുമ്മനത്തിന്റെ പേര് ഉയര്‍ന്നെങ്കിലും ശ്രീപത്മനാഭ ക്ഷേത്രസമിതിയില്‍ മാത്രമാണ് ബിജെപി കേന്ദ്രനേതൃത്വം കുമ്മനത്തെ ഉള്‍പ്പെടുത്തിയത്.
പെട്ടന്ന് തിരിച്ചുവരവ് ഉണ്ടാകും എന്ന് വാര്‍ത്തകള്‍ വന്നതിനാലാണ് കുട്ടിക്കളി എന്ന വാക്കുപയോഗിച്ചതെന്നും അല്ലാതെ മറ്റാരെയും ഉദ്ദേശിച്ചില്ല എന്നും വിശദീകരണം നല്‍കാനും ശ്രീധരന്‍ പിള്ള മറന്നില്ല.