2021 ഫെബ്രുവരി 8 മുതൽ വാട്സാപ് മാറിമറിയും

ലോകത്തെ ഏറ്റവും വലിയ സോഷ്യൽനെറ്റ്‌വർക്ക് മെസേജിങ് ആപ്ലിക്കേഷനായ വാട്സാപ്പിൽ വൻ മാറ്റങ്ങൾ ഉടൻ. 2021 ഫെബ്രുവരി 8 മുതൽ ഫെയ്സ്ബുക്കിന്റെ കീഴിലുള്ള വാട്സാപ്പിൽ പുതിയ നിയമങ്ങളാണ് വരാൻ പോകുന്നത്.

വാട്സാപ് ഉപയോക്താക്കൾ 2021 ൽ അപ്‌ഡേറ്റുചെയ്യുന്ന സേവന നിബന്ധനകൾ അംഗീകരിക്കണം, അല്ലെങ്കിൽ അക്കൗണ്ട് ഡിലീറ്റ് ചെയ്യേണ്ടി വരുമെന്ന് ഏറ്റവും പുതിയ റിപ്പോർട്ടുകൾ പറയുന്നത്.

വാട്സാപ് അപ്ഡേറ്റുകൾ നേരത്തെ അറിയിക്കുന്ന WABetaInfo ആണ് പുതിയ നിബന്ധനകളുടെയും സ്വകാര്യതാ നയ അപ്‌ഡേറ്റുകളുടെയും സ്ക്രീൻഷോട്ട് പുറത്തുവിട്ടിരിക്കുന്നത്.

ഉപയോക്താക്കൾക്ക് പുതിയ നിബന്ധനകൾ സ്വീകരിക്കാനോ അവരുടെ അക്കൗണ്ടുകൾ ‘ഡിലീറ്റ്’ ചെയ്യാനോ കഴിയുമെന്നാണ് സ്ക്രീൻ ഷോട്ടിൽ വ്യക്തമായി കാണിക്കുന്നത്.