സംവൃത വീണ്ടും സിനിമയിലേക്ക്, അനൂപ് സത്യന്റെ ചിത്രത്തില്‍ അഭിനയിക്കുക അമേരിക്കയില്‍ നിന്നുകൊണ്ട് തന്നെ

മലയാളത്തിന്റെ പ്രിയ നടി സംവൃത സുനില്‍ വീണ്ടും സിനിമയില്‍ അഭിനയിക്കാനൊരുങ്ങുന്നു. അനൂപ് സത്യന്‍ സംവിധാനം ചെയ്യുന്ന ചിത്രത്തിലാണ് താരം അഭിനയിക്കുന്നത്. വനിതയ്ക്ക് നല്‍കിയ അഭിമുഖത്തിലാണ് മലയാള സിനിമയില്‍ വീണ്ടും അഭിനയിക്കുന്ന വിവരം താരം അറിയിച്ചത്.

അമേരിക്കയില്‍ നിന്നുതന്നെ സംവൃത സുനില്‍ ചിത്രത്തില്‍ അഭിനയിക്കുന്ന രീതിയിലാണ് ചിത്രീകരണം ആലോചിച്ചിരിക്കുന്നത്. സിനിമയുടെ പ്രമേയം സംബന്ധിച്ച് വിവരങ്ങള്‍ പുറത്തുവിട്ടിട്ടില്ല.

ബിജു മേനോന്റെ നായികയായി സത്യം പറഞ്ഞാല്‍ വിശ്വസിക്കുവോ എന്ന ചിത്രത്തിലാണ് സംവൃത അവസാനമായി അഭിനയിച്ചത്. വിവാഹത്തിന് ശേഷമുള്ള താരത്തിന്റെ തിരിച്ചുവരവായിരുന്നു ഇത്. താരം വീണ്ടും സിനിമയില്‍ അഭിനയിക്കുന്നത് ആരാധകരെ ആവേശത്തിലാക്കിയിരിക്കുകയാണ്.