2020ല്‍ യാഹുവില്‍ ഏറ്റവും കൂടുതല്‍ പേർ തിരഞ്ഞ വ്യക്തിയിത്..

2020ല്‍ യാഹുവില്‍ ഏറ്റവും കൂടുതല്‍ പേർ തിരഞ്ഞ വ്യക്തികളുടെ പട്ടികയില്‍ ഒന്നാം സ്ഥാനത്ത് അന്തരിച്ച ബോളിവുഡ് താരം . ഏറ്റവും കൂടുതല്‍ തിരഞ്ഞ വനിതാ സെലിബ്രിറ്റി സുശാന്തിന്റെ കാമുകിയും നടിയുമായ റിയ ചക്രവർത്തിയെയാണ്. സെര്‍ച്ച് എഞ്ചിന്‍ യാഹൂ ചൊവ്വാഴ്ച പുറത്തിറക്കിയ വര്‍ഷാവസാന പട്ടികയിലാണ് ഇക്കാര്യം വ്യക്തമാക്കിയിട്ടുള്ളത്.

ജൂണിലാണ് സുശാന്തിനെ ആത്മഹത്യചെയ്ത നിലയില്‍ കണ്ടെത്തിയത്. ഇതിനു പിന്നാലെയാണ് താരം വാര്‍ത്തകളില്‍ സജീവമായത്. നിരവധി രാഷ്ട്രീയക്കാരും പട്ടികയില്‍ ആദ്യ പത്തില്‍ ഇടംനേടിയിട്ടുണ്ട്. പട്ടികയില്‍ രണ്ടാംസ്ഥാനത്താണ് .

2017നു ശേഷം ഇതാദ്യമായിട്ടാണ് നരേന്ദ്രമോദി രണ്ടാംസ്ഥാനത്തെത്തുന്നത്. റിയ ചക്രബര്‍ത്തി, രാഹുല്‍ ഗാന്ധി, അമിത്ഷാ, ഉദ്ധവ് താക്കറെ, അരവിന്ദ് കെജ്രിവാള്‍, മമത ബാനര്‍ജി, അമിതാഭ് ബച്ചന്‍, കങ്കണ റണൗട്ട് എന്നിവരാണ് ആദ്യ പത്തില്‍ യഥാക്രമം ഇടം നേടിയിട്ടുള്ളത്.

ഏറ്റവുമധികം തിരഞ്ഞ പുരുഷ സെലിബ്രിറ്റികളില്‍ ഒന്നാം സ്ഥാനത്തും സുശാന്ത് ആണ്. അമിതാഭ് ബച്ചന്‍, അക്ഷയ് കുമാര്‍, സല്‍മാന്‍ ഖാന്‍, ഇര്‍ഫാന്‍ ഖാന്‍, റിഷികപൂര്‍ എന്നിവാരാണ് ഈ പട്ടികയിലുള്ള മറ്റ് സെലിബ്രിറ്റികള്‍.

വനിത സെലിബ്രിറ്റികളില്‍ റിയയ്ക്കു പിന്നാലെ കങ്കണ റണൗട്ടാണ്. ദീപിക പദുക്കോണ്‍, സണ്ണി ലിയോണി, പ്രിയങ്ക ചോപ്ര എന്നിവരു പട്ടികയിലുണ്ട്. 2020 ലെ മികച്ച ന്യൂസ് മേക്കേഴ്സിന്റെ കാര്യത്തില്‍, പ്രധാനമന്ത്രി മോദി ഒന്നാം സ്ഥാനത്ത് തുടരുന്നു, സുശാന്ത്, റിയ എന്നിവര്‍ രണ്ടാം സ്ഥാനത്തും രാഹുല്‍ ഗാന്ധി മൂന്നാം സ്ഥാനത്തുമുണ്ട്.

സെലിബ്രിറ്റീസ് വിത്ത് ബേബിസ് ആന്റ് പ്രഗ്‌നന്‍സി അനൗണ്‍സ്‌മെന്റ് 'എന്ന വിഭാഗത്തില്‍ അനുഷ്‌ക ശര്‍മയും വിരാട് കോലിയുമാണ് ഒന്നാം സ്ഥാനത്ത്. കരീന കപൂര്‍ ഖാനും സെയ്ഫ് അലി ഖാനും രണ്ടാം സ്ഥാനവും ശില്‍പ ഷെട്ടിയും രാജ് കുന്ദ്രയും മൂന്നാം സ്ഥാനം നേടി.

നടന്‍ സോനു സൂദിനെയാണ് 'ഹീറോ ഓഫ് ദ ഇയര്‍' ആയി തിരഞ്ഞെടുത്തിരിക്കുന്നത്. സെര്‍ച്ച് എഞ്ചിന്‍ കോവിഡ് 19 വാരിയേഴ്‌സിനെ പേഴ്‌സണാലിറ്റി ഓഫ് ദി ഇയര്‍ 2020 എന്ന് നാമകരണം ചെയ്തിട്ടുണ്ട്.