കേരളത്തില്‍ ഒവൈസിക്ക് സ്വാഗതം , ഭീതിയില്‍ ലീഗ്

ഒവൈസിയുടെ കേരളത്തിലേക്കുള്ള വരവ് ലീഗിനുള്ളില്‍ പുതിയ പടപ്പുറപ്പാടിന് തുടക്കമിട്ടു. കഴിഞ്ഞ ദിവസം ഹെഡ് ലൈന്‍ കേരളയാണ് ഒവൈസി അടുത്ത നിയമസഭാ തിരഞ്ഞെടുപ്പില്‍ കേരളത്തിലും മത്‌സരിക്കാന്‍ ലക്ഷ്യമിടുന്നു എന്ന വാര്‍ത്ത പുറത്തുവിട്ടത്.

ഉത്തസ്ലന്ത്യന്‍ മുസ്‌ളീ മുസ്ലിങ്ങളുടെ ഇടയില്‍ ശക്തമായിരിക്കുന്ന പ്രഖ്യാപിത കോണ്‍ഗ്രസ് വിരുദ്ധ നിലപാടിന്റെ അലയൊലി കേരളത്തിലും വീശുമോയെന്ന ഭയപ്പാടാണ് മുസ്ലിംലീഗിന്. തങ്ങളുടെ കീഴില്‍ ഉള്ള യുവജനങ്ങള്‍ക്കിടയില്‍ കോണ്‍ഗ്രസ് വിരുദ്ധതയ്ക്ക് സ്വീകാര്യത കൂടുന്നതാണ് ഇവരെ വിഷമിപ്പിക്കുന്നത്.

ജമാഅത്തെ ഇസ്ലാമിയും എസ്ഡിപിഐയും മുതല്‍ ലീഗിലെ ഒരുവിഭാഗംവരെ ഒവൈസിയെ പൂര്‍ണമായി തള്ളുന്നില്ല. വിവിധ സമുദായ സംഘടനകളും ഒവൈസിയെ അംഗീകരിക്കുന്നുണ്ട്.
പൗരത്വ ഭേദഗതി നിയമം, എന്‍ഐഎ ബില്‍, കശ്മീര്‍ തുടങ്ങി നിരവധി പ്രശ്നങ്ങള്‍ മുന്‍ നിര്‍ത്തിയാണ് ഒവൈസിയുടെ പ്രവര്‍ത്തനം.

ജമാഅത്തെ ഇസ്ലാമിക്കും വെല്‍ഫെയര്‍ പാര്‍ടിക്കുമുള്ള ഒവൈസി പ്രേമമാണ് ലീഗിനെ വല്ലാതെ അലട്ടുന്നത്. ഒവൈസിയാണ് നേതാവ് എന്ന വിധമാണ് ജമാഅത്തെ ഇസ്ലാമിയുടെ നതു സംബന്ധിച്ച പ്രതികരണങ്ങള്‍.

അതുമാത്രമല്ല യൂത്ത് ലീഗ് ബിഹാര്‍ തിരഞ്ഞെടുപ്പിന് ശേഷം കോണ്‍ഗ്രസ് ആത്മപരിശോധന നടത്തണം എന്ന നിലപാടാണ് സ്വീകരിച്ചത്. മുസ്ലിം സമൂഹത്തിന്റെ ആശങ്കകളും പ്രതീക്ഷകളും അഭിസംബോധന ചെയ്യുന്നതില്‍ കോണ്‍ഗ്രസ് ആത്മപരിശോധനയ്ക്ക് തയ്യാറാകണമെന്ന് മുസ്ലിം യൂത്ത് ലീഗ് പറയുന്നത്.
നിലപാടുകള്‍ താഴേത്തട്ടിലടക്കം ബോധ്യപ്പെടുത്തുന്നതില്‍ വീഴ്ചകളുണ്ടാകുന്നുണ്ട് -- യൂത്ത് ലീഗ് ദേശീയ ജനറല്‍ സെക്രട്ടറി സി കെ സുബൈര്‍ വ്യക്തമാക്കി. ഒവൈസി ഒരു മുന്നറിയിപ്പാണ്-- ബിഹാര്‍ ഫലം വിലയിരുത്തി 'സിറാജ്' ദിനപത്രത്തില്‍ എഴുതിയ ലേഖനത്തിലാണ് യൂത്ത്ലീഗ് നേതാവ് തങ്ങളുടെ നിലപാട് പറയുന്നത്.

ഒവൈസിയുടെ നിലപാടുകളെ പിന്തുണച്ച് ജമാഅത്തെ ഇസ്ലാമി കേരളത്തില്‍ രംഗത്തുവന്നു കഴിഞ്ഞു. ഒവൈസിയുടെ നയമല്ല എതിര്‍ക്കേണ്ടതെന്നാണ് ജമാഅത്തെ വ്യക്തമാക്കിയിരിക്കുന്നത്. പിന്തുണച്ച മുസ്ലിം ന്യൂനപക്ഷത്തിന് കോണ്‍ഗ്രസ് എന്തു ചെയ്തുവെന്ന ചോദ്യമാണ് പ്രസക്തമെന്നും ജമാഅത്തെ പറയുന്നു. മുഖപത്രമായ മാധ്യമത്തില്‍ 'ഒവൈസിമാര്‍ ഉണ്ടാകുന്നത്' എന്ന ലേഖനത്തിലാണിത്. ബിഹാര്‍ ഫലത്തിന്റെ പേരില്‍ ഒവൈസിയെ വിമര്‍ശിക്കുന്ന കോണ്‍ഗ്രസിന് മറുപടിയായാണ് ജമാഅത്തെയുടെ പ്രതികരണം.

ബാബ്റി മസ്ജിദ് ഹൈന്ദവര്‍ക്ക് വിട്ടുകൊടുത്ത സുപ്രീംകോടതി വിധി സ്വാഗതം ചെയ്തവരാണ് കോണ്‍ഗ്രസ്. പൗരത്വഭേദഗതി നിയമങ്ങള്‍ക്കെതിരായ പ്രക്ഷോഭത്തില്‍ യുഎപിഎ ചുമത്തി ജയിലില്‍ അടച്ചപ്പോഴും ഘനഗംഭീര മൗനമായിരുന്നു-- ലേഖനത്തില്‍ പറയുന്നു. മാധ്യമം-- മീഡിയാ വണ്‍ ഗ്രൂപ്പ് എഡിറ്റര്‍ ഒ അബ്ദുറഹ്മാനാണ് എ ആര്‍ എന്ന പേരില്‍ ഒവൈസിയെ അനുകൂലിക്കുന്ന ലേഖനം എഴുതിയിരിക്കുന്നത്.