ആശ ഷാജിയെ ഇഡി ചോദ്യം ചെയ്ത ശേഷം വിട്ടയച്ചു

കെഎം ഷാജി എംഎല്‍എയുടെ ഭാര്യ ആശയെ ഇഡി ചോദ്യം ചെയ്ത ശേഷം വിട്ടയച്ചു. ആവശ്യമുണ്ടെങ്കില്‍ വീണ്ടും വിളിപ്പിക്കുമെന്ന് ഇഡി അറിയിച്ചതായി ആശയുടെ അഭിഭാഷകന്‍ പറഞ്ഞു. നാല് വസ്തുക്കളെ കുറിച്ചാണ് ഇഡി ചോദിച്ചറിഞ്ഞതെന്നും അഭിഭാഷകന്‍ പറഞ്ഞു. ആകെയുള്ള നാല് വസ്തുക്കളില്‍ മൂന്നെണ്ണം ആശയുടെ പേരിലാണ്.
കേസില്‍ ഇന്ന് മുസ്ലിം ലീഗ് നേതാവ് ടിടി ഇസ്മയിലിന്റെ മൊഴിയും ഇഡി രേഖപ്പെടുത്തി. ഭൂമി ഇടപാടുമായി ബന്ധപ്പെട്ട് താന്‍ നല്‍കിയ മുന്‍പത്തെ മൊഴിയില്‍ വ്യക്തത തേടാനാണ് തന്നെ ഇഡി സംഘം വിളിപ്പിച്ചതെന്ന് ടിടി ഇസ്മായില്‍ പ്രതികരിച്ചു. തന്നെ വിളിപ്പിച്ചതിന് ആശയുടെ മൊഴിയെടുപ്പുമായി ബന്ധമുണ്ടോയെന്ന് അറിയില്ല. ആശയുമായി ഒരുമിച്ചിരുത്തി മൊഴി എടുത്തിട്ടില്ലെന്നും ഇസ്മയില്‍ പറഞ്ഞു.ഇഡി ആവശ്യപ്പെട്ട പ്രകാരമാണ് ഷാജിയുടെ ഭാര്യ ആശ ഇഡി ഓഫീസിലേക്ക് മൊഴി കൊടുക്കാനായി എത്തിയത്.