ജയത്തിലേക്കെന്ന് ബൈഡന്‍; രാത്രി കാണാമെന്ന് ട്രംപ്:

ഫ്‌ളോറിഡ ട്രംപിനൊപ്പം

യുഎസ് തെരഞ്ഞെടുപ്പില്‍ വിജയത്തിന്റെ പാതയിലാണെന്ന് അനുയായികളോട് ജോ ബൈഡന്‍. ഓരോ വോട്ടും എണ്ണിത്തീരുന്നതുവരെ തെരഞ്ഞെടുപ്പ് തീരുന്നില്ലെന്നും അദ്ദേഹം പറഞ്ഞു. അതേസമയം വന്‍ വിജയവുമായി ബന്ധപ്പെട്ട് ഇന്ന് രാത്രി പ്രസ്താവന നടത്തുമെന്ന് ഡോണള്‍ഡ് ട്രംപ് ട്വീറ്റ് ചെയ്തു. ഏറെ നിര്‍ണായകമായ സംസ്ഥാനമായ ഫ്‌ളോറിഡയില്‍ ട്രംപ് വിജയം ഉറപ്പിച്ചു. ഇലക്ടറല്‍ വോട്ടില്‍ ബൈഡനാണ് മുന്നിലെങ്കിലും ട്രംപിന് സാധ്യതയേറുന്നു.
തുടക്കത്തില്‍ ബൈഡന് അനുകൂലമായിരുന്ന ഫലങ്ങള്‍ മാറിമറിയുന്ന കാഴ്ചയാണ്. ട്രംപ് തിരിച്ചു വരുന്നതിന്റെ സൂചനകള്‍ കാണിച്ചുതുടങ്ങി. ഇതോടെ ട്രംപിനെ അനുകൂലിച്ച് വാതുവയ്പ്പ് കേന്ദ്രങ്ങള്‍ നിലപാട് മാറ്റി. നിലവില്‍ 238 സീറ്റ് ബൈഡനും 213 സീറ്റ് ട്രംപും സ്വന്തമാക്കി. 223ല്‍ നിന്നും ജയിക്കാനാവശ്യമായ 270 ലേക്ക് എത്തുക എന്നത് ബൈഡന് എളുപ്പമല്ല.
ഇതിനിടെ സെനറ്റിലേക്കുള്ള മത്സരത്തിലും ഇരു പാര്‍ട്ടികളും തുല്യ ശക്തികളായി മുന്നേറുകയാണ്. ന്യൂജഴ്‌സി, വെര്‍മണ്ട്, വെര്‍ജീനിയ, ന്യൂയോര്‍ക്ക്, എന്നിവിടങ്ങളില്‍ ജോ ബൈഡന്‍ വിജയിച്ചു. അലബാമ, അര്‍ക്കന്‍സോ, കെന്റക്കി, മിസിസിപ്പി ,സൗത്ത് കാരലൈന, വെസ്റ്റ് വെര്‍ജീനിയ എന്നിവിടങ്ങളില്‍ ട്രംപ് ജയിച്ചു. തെരഞ്ഞെടുപ്പ് ഫലം വരുന്നതിന് മുമ്പ് പ്രസിഡന്റ് ഡോണ്‍ഡ് ട്രംപ് ഇന്ന് വൈറ്റ് ഹൗസിലാണ് ചെലവഴിക്കുന്നത്. 250 അതിഥികള്‍ പങ്കെടുക്കുന്ന തെരഞ്ഞെടുപ്പ് വാച്ച് പാര്‍ട്ടി നടത്തുകയാണ് ട്രംപ്. അതേസമയം, ജോ ബൈഡന്‍ ഡെലാവറില്‍ ആണ് ഉള്ളത്. അദ്ദേഹം അവിടെ ജയിച്ചു.