ഹിസ്ബുള്‍ മുജാഹിദീന്റെ താഴ്വരയിലെ ഓപ്പറേഷന്‍ കമാന്‍ഡര്‍ കൊല്ലപ്പെട്ടു

ഹിസ്ബുള്‍ മുജാഹിദീന്റെ താഴ്വരയിലെ ഓപ്പറേഷന്‍ കമാന്‍ഡര്‍ കൊല്ലപ്പെട്ടു. ഡോ. സെയ്ഫ് എന്ന റിയാസ് നായ്ക്കുവിനെയാണ് സൈന്യം വധിച്ചത്. ഡോ.സെയ്ഫ് കൊല്ലപ്പെട്ടത് ഭീകരവിരുദ്ധ നടപടിയിലെ വലിയ നേട്ടമാണെന്ന് സംയുക്ത സേന പറയുന്നു. മൂന്ന് ബിജെപി പ്രവര്‍ത്തകരെ കൊലപ്പെടുത്തിയതിന്റെ ബുദ്ധികേന്ദ്രം സെയ്ഫ് ആയിരുന്നു.
സെയ്ഫ് ദക്ഷിണ കശ്മീരില്‍ നിന്ന് ശ്രീനഗറിലെത്തി വീട്ടില്‍ ഒളിച്ചു താമസിക്കുകയാണെന്ന വിവരം സൈന്യത്തിന് ലഭിച്ചിരുന്നു. തുടര്‍ന്ന് പ്രദേശം സീല്‍ ചെയ്യുകയും രംഗ്രനേഥിന് സമീപം തെരച്ചില്‍ ശക്തമാക്കുകയും ചെയ്തു. സൈന്യത്തെ കണ്ടതോടെ ഭീകരവാദികള്‍ വെടിയുതിര്‍ത്തു. പ്രത്യാക്രമണമായി സൈന്യവും വെടിയുതിര്‍ത്ത് ഒടുവില്‍ ഏറ്റുമുട്ടലില്‍ കലാശിച്ചു. ഇതിനിടെയാണ് സെയ്ഫിന് വെടിയേല്‍ക്കുന്നതും മരിക്കുന്നതും. സംഭവ സ്ഥലത്ത് നിന്ന് എകെ 47 ഉം, തോക്കുകളും കണ്ടെത്തിയിട്ടുണ്ട്.