ജയിക്കാന്‍ ആരുമായും ചേരാം യു ഡി എഫ് തീരുമാനം വന്നു

പഞ്ചായത്ത് തിരഞ്ഞെടുപ്പില്‍ ജയിക്കാനായി ആരുമായും ചേരാനുള്ള ലൈസന്‍സ് കോണ്‍ഗ്രസിനും സഖ്യകക്ഷികള്‍ക്കും നല്‍കികൊണ്ട് യു ഡി എഫ് തീരുമാനം .
തദ്ദേശ തിരഞ്ഞെടുപ്പില്‍ യുഡിഎഫിനു പുറത്തുള്ള കക്ഷികളുമായി സംസ്ഥാന സഖ്യത്തില്‍ ഏര്‍പ്പെടില്ലെന്നു പ്രതിപക്ഷ നേതാവ് രമേശ് ചെന്നിത്തല പറഞ്ഞു. അതേ സമയം . പ്രാദേശിക അടിസ്ഥാനത്തില്‍ വ്യക്തികള്‍, സോഷ്യല്‍ ഗ്രൂപ്പുകള്‍, സംഘടനകള്‍ ഉള്‍പ്പടെയുള്ളവരുമായി ചര്‍ച്ച ചെയ്തു സഹകരിക്കുന്നതിനു യുക്തമായ തീരുമാനം എടുക്കാനുള്ള സ്വാതന്ത്ര്യം യുഡിഎഫ് കീഴ്ഘടകങ്ങള്‍ക്കു നല്‍കി. ഇതോടെയാണ് ആര്‍ക്കും ഏതു സഖ്യവും ആകാം എന്ന സ്ഥിതി വന്നത്.

നവംബര്‍ 1 മുതല്‍ 11 വരെ നടക്കുന്ന ജില്ലാതല യോഗങ്ങളില്‍ ഇതുസംബന്ധിച്ച വിവരങ്ങള്‍ താഴെത്തട്ടിലുള്ളവരെ ഔദ്യോഗികമായി അറിയിക്കും. ഇടതുമുന്നണിക്ക് എതിരെ കൈകോര്‍ക്കാവുന്ന എല്ലാവരുമായി സഹകരിക്കുമെന്നും പ്രതിപക്ഷ നേതാവും യുഡിഎഫ് കണ്‍വീനര്‍ എം.എം.ഹസനും വ്യക്തമാക്കി.

വെല്‍ഫെയര്‍ പാര്‍ട്ടിയുമായി സഹകരിക്കുന്നതിനെതിരെ നേരത്തെ കോണ്‍ഗ്രസില്‍ എതിര്‍പ്പ് ഉയര്‍ന്നിരുന്നു. അതിനെ തുടര്‍ന്നാണ് ഈ നീക്കം.