വെല്‍ഫയര്‍ പാര്‍ട്ടി, യുഡിഎഫിനുള്ളില്‍ കലാപം

മാണി ഗ്രൂപ്പ് മുന്നണിവിട്ടതിരെ തുടര്‍ന്നുണ്ടായ ക്ഷീണം മാറ്റാന്‍ എം എം ഹസ്സനും കുഞ്ഞാലിക്കുട്ടിയും ചേര്‍ന്ന് വെല്‍ഫെയര്‍ പാര്‍ട്ടിയെ യു ഡി എഫില്‍ എത്തിക്കാന്‍ നടത്തുന്ന നീക്കത്തിനെതിരെ യു ഡി എഫില്‍ കലാപം.
കേരള കോണ്‍ഗ്രസ് ജോസഫ് വിഭാഗവും, കോണ്‍ഗ്രസിനെ ഒരു വിഭാഗം നേതാക്കളുമാണ് എതിര്‍പ്പുമായിരംഗത്തു വന്നിരിക്കുന്നത്.

വരുന്ന നിയമസഭാ തിരഞ്ഞെടുപ്പില്‍ യു.ഡി.എഫിലെ രണ്ടാമത്തെ വലിയ കക്ഷിയായ മുസ്ലിംലീഗ് ലക്ഷ്യമിടുന്നത് 30 വരെ സീറ്റുകള്‍. കഴിഞ്ഞതവണ 24 സീറ്റുകളിലാണ് പാര്‍ട്ടി മത്സരിച്ചത്. അതില്‍ 19 എണ്ണത്തിലും ജയിക്കാനായി. ഇത്തവണ ആറ് സീറ്റുകളെങ്കിലും കൂടുതല്‍ കിട്ടണമെന്നാണ് ലീഗിന്റെ ആവശ്യം.

ലോക് താന്ത്രിക് ജനതാദളിന് (എല്‍.ജെ.ഡി.) ശേഷം കേരള കോണ്‍ഗ്രസ് ജോസ് കെ.മാണി വിഭാഗംകൂടി യു.ഡി.എഫ്. വിട്ടതോടെയാണ് കൂടുതല്‍ സീറ്റെന്ന അവകാശവാദത്തിന് ബലം കൂടിയത്. ഈയിനത്തില്‍ 15 സീറ്റുകളെങ്കിലും ഒഴിവുവരും. അതില്‍ മിക്കതും കോണ്‍ഗ്രസും ലീഗും പങ്കിട്ടെടുക്കാനാണ് സാധ്യത. ഇതുസംബന്ധിച്ച അനൗദ്യോഗിക ചര്‍ച്ചകള്‍ പുരോഗമിക്കുകയാണ്. അതിനിടയിലാണ് വെല്‍ഫെയര്‍ പാര്‍ട്ടിയെ കൊണ്ടുവന്ന് 8 മുതല്‍ 10 സീറ്റ് ലീഗ് കൂടുതല്‍ ചോദിക്കും എന്നതാണ് എതിര്‍ക്കുന്നവരുടെ നിലപാട്.

2016-ല്‍ കേരളാ കോണ്‍ഗ്രസ് (എം.) 15 സീറ്റുകളിലും എല്‍.ജെ.ഡി. ഏഴിടത്തുമാണ് മത്സരിച്ചത്. ഈ 22 സീറ്റുകളില്‍ 7 എണ്ണംവരെ ഇക്കുറി പി.ജെ. ജോസഫ് വിഭാഗത്തിന് കൊടുക്കേണ്ടിവരും. ബാക്കിവരുന്ന 15 സീറ്റുകളിലാണ് കോണ്‍ഗ്രസിനൊപ്പം ലീഗും നോട്ടമിട്ടിരിക്കുന്നത്.

മലബാറില്‍ ഒഴിവുവരുന്ന സീറ്റുകള്‍ക്കാണ് ലീഗ് മുന്‍ഗണന നല്‍കുന്നത്. എന്നാല്‍, മലബാറില്‍ ഒതുങ്ങിക്കൂടാതെ തെക്കന്‍കേരളത്തിലും മധ്യകേരളത്തിലും കൂടുതല്‍ സാന്നിധ്യം വേണമെന്ന വികാരം പാര്‍ട്ടിയിലുണ്ട്. ആ നിലയ്ക്ക് തിരുവനന്തപുരത്തെ കഴക്കൂട്ടം, കോട്ടയത്തെ കാഞ്ഞിരപ്പള്ളി, പൂഞ്ഞാര്‍ മണ്ഡലങ്ങളിലും ലീഗിന് താത്പര്യമുണ്ട്. കഴക്കൂട്ടം, കാഞ്ഞിരപ്പള്ളി സീറ്റുകളില്‍ പാര്‍ട്ടി നേരത്തേ മത്സരിച്ചതുമാണ്.

സീറ്റുകള്‍ വാങ്ങണമെന്ന യൂത്ത് ലീഗിന്റെ സമ്മര്‍ദ്ദവും ലീഗിലുണ്ട്. 28 മുതല്‍ 30 വരെ സീറ്റുകള്‍ക്ക് അര്‍ഹതയുണ്ടെന്ന് ജോസ് കെ.മാണി വിഭാഗം യു.ഡി.എഫ്. വിടുന്നതിന് മുമ്പുതന്നെ യൂത്ത് ലീഗ് ബോധ്യപ്പെടുത്തിയതാണ്. യുവാക്കള്‍ക്ക് 25 ശതമാനം സീറ്റുകള്‍ ആവശ്യപ്പെടുന്ന ഫോര്‍മുല അവര്‍ അവതരിപ്പിച്ചിട്ടുണ്ട്.
ഇങ്ങനെ സീറ്റ് നല്‍കിയാല്‍ മത്‌സിക്കാന്‍ ഞങ്ങള്‍ എവിടെ പോ ്കും എന്നതാണ് കോണ്‍ഗ്രസ് നേതാക്കള്‍ ഉയര്‍ത്തുന്ന ചോദ്യം ലീഗ് ചോദിക്കുന്നത് യു ഡി എഫ് ഒരു പ്രയാസവും കൂടാതെ ജയിക്കുന്ന സീറ്റാണ്. അതു നല്‍കിയാല്‍ കോണ്‍ഗ്രസിനേക്കാള്‍ കൂടുതല്‍ സീറ്റ് ലീഗ് നേടുന്ന കാലം വിദൂരമല്ലന്ന് ഇവര്‍ ചൂണ്ടിക്കാണിക്കുന്നു. കുഞ്ഞാലിക്കുട്ടി കേരള രാഷ്ട്രീയത്തിലേക്ക് മടങ്ങിയത് മുഖ്യമന്ത്രി സ്ഥാനം ലക്ഷ്യമിട്ടാണന്നും ഇവര്‍ പറയുന്നു.
യു.ഡി.എഫിന് പൊതുവില്‍ പ്രതികൂല രാഷ്ട്രീയ സാഹചര്യമുള്ളപ്പോഴടക്കം പാര്‍ട്ടി മത്സരിക്കുന്ന മിക്ക മണ്ഡലങ്ങളിലും ജയിക്കുന്ന പാര്‍ട്ടി എന്നാണ് ലീഗ് മുന്നണി യോംത്തില്‍ പറഞ്ഞത് . അധികമായി കിട്ടുന്ന സീറ്റുകളിലും ജയിച്ചുകയറാനാകുമെന്ന് അവര്‍ അവകാശപ്പെടുന്നു. ലീഗിന് കൂടുതല്‍ സീറ്റുകള്‍ക്ക് അര്‍ഹതയുണ്ടെന്ന കാര്യത്തില്‍ മറ്റ് ഘടക കക്ഷികള്‍ക്കും എതിരഭിപ്രായമില്ല. പക്ഷെ കോണ്‍ഗ്രസില്‍ ഗൂപ്പ് വ്യത്യാസമില്ലാതെയാണ് ഇതിനെതിരെ നീക്കം.