ഇടുക്കിയില്‍ ഇനി പുതിയ അങ്കം

കേരള കോണ്‍ഗ്രസ് മാണിവിഭാഗം ഇടതുമുന്നണിയില്‍ ചേര്‍ന്നതോടെ ഇടുക്കിജില്ലയില്‍ കോണ്‍ഗ്രസിനുള്ളിലെ പോര് ശക്തമായി . സീറ്റുകള്‍ നേടിയെടുക്കാന്‍ പഞ്ചായത്ത് തലം മുതല്‍ ഗ്രൂപ്പ് യോഗങ്ങള്‍ സജീവമാക്കിയിരിക്കുകയാണ്.

മറ്റ് ജില്ലകളില്‍ നിന്ന് വ്യത്യസ്ഥമായി ഐ ഐന്‍ ടി യു സി നേതാക്കളാണ് ഇടുക്കിയില്‍ പ്രദേശിക തലത്തില്‍ കളി തുടങ്ങിയിരിക്കുന്നത്. തോട്ടം തൊഴിലാളി മേഖലകളിലെ സ്വധീനമാണ് ഇതിനു കാരണം.
മാന്‍ി പേയതോടെ പല മേഖലയിലും കോണ്‍ഗ്രസിന് കാര്യങ്ങള്‍ എളുപ്പമല്ല. . മുതിര്‍ന്ന നേതാവായ പി ജെ ജോസഫ് ഒപ്പമുണ്ടെങ്കിലും തൊടുപുഴയ്ക്കപ്പുറം കാര്യമായ പ്രാദേശിക നേതാക്കള്‍ പിജെയ്‌ക്കൊപ്പമില്ല.
തൊടുപുഴ നഗരസഭയില്‍ പോലും മാണി വിഭാഗത്തിനാണ് മുന്‍തൂക്കം. തൊടുപുഴ, കട്ടപ്പന നഗരസഭകളിലും, ഇടുക്കി ബ്ലോക്ക് പഞ്ചായത്തിലും, ഇരട്ടയാര്‍, ബൈസണ്‍വാലി, കഞ്ഞിക്കുഴി, അറക്കുളം എന്നീ പഞ്ചായത്തുകളിലും എല്‍ഡിഎഫിന് മേല്‍ക്കൈ ആയി. തൊടുപുഴ, കട്ടപ്പന നഗരസഭകളിലും ഇരട്ടയാര്‍, ബൈസണ്‍വാലി പഞ്ചായത്തുകളില്‍ കോണ്‍ഗ്രസിനാണ് അധ്യക്ഷ സ്ഥാനം. ഇടുക്കി ബ്ലോക്ക് പഞ്ചായത്തിലും അറക്കുളം, കഞ്ഞിക്കുഴി പഞ്ചായത്തുകളിലും പ്രസിഡന്റ് സ്ഥാനം ജോസ് വിഭാഗത്തിനാണ്. മുന്നണി മാറ്റത്തോടെ ഈ ഭരണസമിതികളുടെ ഭൂരിപക്ഷം പോകും.

തദ്ദേശ തിരഞ്ഞെടുപ്പ് അടുത്തിരിക്കെ നിലവില്‍ ഭരണമാറ്റവും അവിശ്വാസവും ഉണ്ടാകില്ല. അതേസമയം, ജോസ് വിഭാഗം എല്‍ഡിഎഫിനൊപ്പം നില്‍ക്കുന്നതിനാല്‍ പലയിടത്തും ഭരണ പ്രതിസന്ധി ഉണ്ടാകും.
റോഷി അഗസ്റ്റിന്റെ സ്വാധീനമാണ് ജില്ലയില്‍ ഇടതുമുന്നണിക്ക് നേട്ടമാവുന്ന മറ്റൊരു ഘടകം. ജില്ലയില്‍ എല്ലാ നിയോജക മണ്ഡലങ്ങളിലും താഴേത്തട്ടുവരെ വ്യക്തിബന്ധമുള്ള നേതാവാണ് റോഷി അഗസ്റ്റിന്‍.