പിണക്കിവിട്ടത് നിങ്ങളല്ലേ കടുത്ത വിമര്‍ശനവുമായി ഹൈക്കമാന്റ്

കേരള കോണ്‍ഗ്രസ് മാണിഗ്രൂപ്പ് യു ഡി എഫ് വിട്ടതില്‍ തങ്ങളുടെ കടുത്ത അനിഷ്ടം കോണ്‍ഗ്രസ് ഹൈക്കമാന്റ് അറിയിച്ചു. മുന്നണിയില്‍ ഏറ്റവും അനിവാര്യമായ ഘടകക്ഷിയെന്ന് പറഞ്ഞ് മടക്കി കൊണ്ടുവന്നശേഷം അപമാനിച്ച് അയച്ചത് ശരിയായില്ലന്നാണ് ദേശീയ നേതൃത്വം വ്യക്തമാക്കിയത്.

കോണ്‍ഗ്രസിന്റെ രാജ്യസഭാ സീറ്റ് 2018 ല്‍ ജോസ് കെ.മാണിക്ക് നല്‍കിയതില്‍ സംസ്ഥാന നേതൃത്വം പിന്നെ ആ വ്യക്തിയെയും അവരുടെ പാര്‍ട്ടിയെയും അവഗണിച്ച് എന്തിനാണന്നാണ് കെ പി സി നേതൃത്വത്തോട് ഹൈക്കമാന്റ് ചോദിച്ചത്. യു പി എ അംഗങ്ങളായിരുന്ന രണ്ട് പം പി മാരെയാണ് ഒറ്റയടിക്ക് നഷ്ടമായത് ഇത് കേരളത്തിന്റെ വീഴ്ച്ചയാണന്ന വിലയിരുത്തല്‍ ഹൈക്കമാന്‍ഡിനുണ്ട്. സംസ്ഥാന ഘടകമാണ് അതിനു സമ്മര്‍ദം ചെലുത്തിയത്.
മാണി ഗ്രൂപ്പ് തിരികെ വന്നാല്‍ യുഡിഎഫ് ശക്തിപ്പെടുമെന്നായിരുന്നു പ്രസിഡന്റ് രാഹുല്‍ ഗാന്ധിയുമായി ഡല്‍ഹിയില്‍ നടത്തിയ കൂടിക്കാഴ്ചയില്‍ സംസ്ഥാന നേതാക്കളായ രമേശ് ചെന്നിത്തല, എം.എം. ഹസന്‍ എന്നിവരെടുത്ത നിലപാട്. ചര്‍ച്ചകളില്‍ ഇടനിലക്കാരനായ മുസ്‌ലിം ലീഗ് നേതാവ് പി.കെ. കുഞ്ഞാലിക്കുട്ടിയും അതിനെ അനുകൂലിച്ചിരുന്നു. പക്ഷെ പിന്നെതിരഞ്ഞെടുപ്പിന് തൊട്ടുമുന്‍പ് ഈസ്ഥിതിയില്‍ എത്തിച്ചത് എന്തുകൊണ്ടാണന്നും, ഇതില്‍ നിന്ന് കരകയറാനുള്ള വഴി തേടണമെന്നും നിര്‍ദേശം നല്‍കിയിട്ടുണ്ട്.