ഭഷ്യകിറ്റ് പണം നല്‍കിയത് ത്രിവേണീ സൂപ്പര്‍മാര്‍ക്കറ്റിന്

യു എ കോണ്‍സിലേറ്റിന്റെ ആവശ്യപ്രകാരം ഭക്ഷ്യക്കിറ്റ് വിതരണം ചെയ്തതിന് യുഎഇ കോണ്‍സുലേറ്റില്‍ നിന്നു കണ്‍സ്യൂമര്‍ഫെഡ് നേരിട്ടാണ് പണം സ്വീകരിച്ചത്.

മന്ത്രി ജലീലിന്റെ തവനൂര്‍ മണ്ഡലത്തിലെ മാറഞ്ചേരിയിലുള്ള ലിറ്റില്‍ ത്രിവേണി സൂപ്പര്‍ സ്റ്റോറില്‍നിന്നു 5,02,500 രൂപയുടെ സാധനങ്ങള്‍ വാങ്ങിയതിന്റെ ബില്‍ തയാറാക്കിയിരിക്കുന്നത് തിരുവനന്തപുരം യുഎഇ കോണ്‍സുലേറ്റിന്റെ പേരിലാണ്. സംസ്ഥാന സര്‍ക്കാര്‍ നിയന്ത്രണത്തിലുള്ള സഹകരണ സ്ഥാപനം വിദേശ രാജ്യത്തിന്റെ കോണ്‍സുലേറ്റില്‍ നിന്നു നേരിട്ടു പണം സ്വീകരിച്ചതു ചട്ടലംഘനമാണെന്നാണ് ആരോപണമുണ്ട് , പക്ഷെ സാധാരണ സാധനങ്ങള്‍ വാങ്ങുമ്പോള്‍ ഈ രീതിയില്‍ ആ ഓഫീസിലേക്ക് ബില്ലുകള്‍ നല്‍കാറുണ്ടന്ന് വ്യാപാരികള്‍ പറയുന്നു.
കോണ്‍സുലേറ്റുകള്‍ക്ക് അവര്‍ പ്രവര്‍ത്തിക്കുന്ന നാട്ടില്‍ ചിലവാക്കാനുള്ള തുക വിദേശ രാജ്യങ്ങള്‍ അനുവദിക്കാറുമുണ്ട്.

ആട്ട, അരിപ്പൊടി, പഞ്ചസാര, തേയില, മല്ലിപ്പൊടി, മുളകുപൊടി, കടുക്, മഞ്ഞള്‍പ്പൊടി, ഉപ്പ് തുടങ്ങിയവയുടെ കിറ്റിനാണ് കോണ്‍സുലേറ്റ് കണ്‍സ്യൂമര്‍ഫെഡിനു തുക നല്‍കിയത്. ജൂണ്‍ 16നു തയാറാക്കിയ ബില്‍ പ്രകാരമുള്ള തുക 26നു കണ്‍സ്യൂമര്‍ഫെഡിന്റെ എടപ്പാള്‍ ബാങ്ക് ശാഖയിലെ അക്കൗണ്ടില്‍ ലഭിച്ചു.

1000 കിറ്റുകള്‍ യുഎഇ കോണ്‍സുലേറ്റിന്റെ ചെലവില്‍ കണ്‍സ്യൂമര്‍ഫെഡില്‍ നിന്നു ലഭിച്ചു 2 പഞ്ചായത്തുകളില്‍ വിതരണം ചെയ്‌തെന്നു മന്ത്രി വ്യക്തമാക്കിയിരുന്നു.

• യുഎഇ കോണ്‍സുലേറ്റില്‍ നിന്നാണു പണം വന്നത്. അവരുടെ പേരില്‍ ബില്‍ തയാറാക്കാന്‍ ഓഡര്‍ നല്‍കിയവര്‍ പറഞ്ഞിട്ടാണ് അങ്ങനെ ചെയ്തത്. മാറഞ്ചേരി ത്രിവേണി സ്റ്റോറില്‍ അങ്ങനെയൊരു ഓര്‍ഡര്‍ വന്നപ്പോള്‍ സ്റ്റോര്‍ ഇന്‍ചാര്‍ജ് ഓര്‍ഡര്‍ എടുത്തു എന്നുള്ളതാണ് തങ്ങള്‍ക്ക് നല്‍കാനുള്ള വിശദീകരണം എന്നതാണ് അവര്‍ പറയുന്നത്.