ചെന്നിത്തലയുടെ ഐഫോണ്‍ കോണ്‍ഗ്രസ് രാഷ്ട്രീയത്തില്‍ വിവാദം

സ്വര്‍ണക്കടത്തുകേസിലെ പ്രതി സ്വപ്ന സുരേഷ് ആവശ്യപ്പെട്ടതുപ്രകാരം പ്രതിപക്ഷ നേതാവ് രമേശ് ചെന്നിത്തലയ്ക്ക് ഐ ഫോണുകള്‍ വാങ്ങി നല്‍കിയിരുന്നുവെന്ന് യൂണിടാക് എം ഡി സന്തോഷ് ഈപ്പന്‍ ഹൈക്കോടതിയില്‍ വെളിപ്പെടുത്തിയതോടെ പുതിയബന്ധങ്ങളും വെളിപ്പെട്ടു തുടങ്ങി. അതിനപ്പുറം ഇടപാടുകള്‍ യു എ ഇ കോണ്‍സിലേറ്റുമായി ബന്ധപ്പെട്ടാണന്നുള്ളതിന്റെ വിവരങ്ങളും പുറത്തുവന്നിരിക്കുകയാണ്.
കേസ് ആരംഭിച്ചഘട്ടം മുതല്‍ സ്വപ്‌നാ സുരേഷിന്റെ രാഷ്ട്രീയ സൗഹൃദങ്ങളിലേക്ക് അന്വേഷണം പോകണം എന്നുള്ളതാണ് പല സി പി എം നേതാക്കളും ആവശ്യപ്പെട്ടിരുന്നത്. കോണ്‍ഗ്രസിനുള്ളില്‍ ശക്തമായിരിക്കുന്ന പുതിയ ഗ്രൂപ്പ് യുദ്ധത്തില്‍ ചെന്നിത്തലെ വീഴ്ത്താനുള്ള ആയുധമായിരിക്കുകയാണ് ഐ ഫോണ്‍.
എ ഗ്രൂപ്പിന്റെ സൈബര്‍ പോരാളികള്‍ മാമനോട് ഒന്നും തോന്നല്ലേ മക്കളെ എന്ന ക്യാപ്ഷനോടെ ചെന്നിത്തല വിരുദ്ധകാംപയ്ന്‍ ആരംഭിച്ചു കഴിഞ്ഞു. ഇന്ി സ്വപ്‌നയുടെ വെളിപ്പെടുത്തലുകള്‍ കടി വരുമ്പോള്‍ കൂടുതല്‍ രാഷ്ട്രീയ നേതാക്കള്‍ കുടുങ്ങുമോ എന്ന ആശങ്കയുണ്ട്.
സിബിഐ അന്വേഷണത്തിനെതിരെ സന്തോഷ് ഈപ്പന്‍ ഹൈക്കോടതിയില്‍ നല്‍കിയ ഹര്‍ജിയിലാണ് ഇപ്പോഴത്തെ വെളിപ്പെടുത്തലുകളുള്ളത്. 2019 ഡിസംബര്‍ രണ്ടിന് തിരുവനന്തപുരത്ത് യുഎഇ കോണ്‍സുലേറ്റ് സംഘടിപ്പിച്ച യുഎഇ ദേശീയ ദിനാഘോഷ ചടങ്ങിലെ മുഖ്യാതിഥിയായിരുന്നു രമേശ് ചെന്നിത്തല. ചെന്നിത്തലയ്ക്കും വേദിയിലെ മറ്റ് അതിഥികള്‍ക്കും നല്‍കാനായി അഞ്ച് ഐ ഫോണ്‍ സ്വപ്ന സുരേഷ് ആവശ്യപ്പെട്ടെന്നാണ് സന്തോഷിന്റെ ഹര്‍ജിയില്‍ പറയുന്നത്.

സ്വപ്ന ആവശ്യപ്പെട്ടതുപ്രകാരം അഞ്ച് ഫോണും വാങ്ങി നല്‍കിയതായും അവ ചെന്നിത്തലയ്ക്കും മറ്റ് അതിഥികള്‍ക്കും നല്‍കിയതായും ഹര്‍ജിയില്‍ പറയുന്നു. 2019 നവംബര്‍ 29ന് ഫോണുകള്‍ വാങ്ങിയതിന്റെ ബില്ലും സന്തോഷ് കോടതിയില്‍ ഹാജരാക്കി. ലുലുമാളില്‍ നിന്നാണ് ശ്ശാണുകള്‍ വാങ്ങിനല്‍കിയത്.

ഭാവിയില്‍ കോണ്‍സുലേറ്റുമായി ബന്ധപ്പെട്ട നിര്‍മാണ കരാറുകള്‍ പ്രതീക്ഷിച്ചാണ് കമ്മീഷന്‍ നല്‍കിയതെന്നും ഹര്‍ജിയില്‍ വ്യക്തമാക്കുന്നുണ്ട്.