ബെന്നി രാഹുല്‍ ഗ്രൂപ്പില്‍, പോരിന് തിരുവഞ്ചൂരിനെ ഒപ്പം കൂട്ടുന്നു

കെ സി വേണുഗോപാലിന്റെ നേതൃത്വത്തില്‍ ഹൈക്കമാന്റിനൊപ്പം നില്‍ക്കുന്ന പുതിയ ഗ്രൂപ്പിന്റെ ഭാഗമാവാന്‍ ബെന്നി ബഹനാന്‍. കേരളത്തില്‍ യു ഡി എഫ് കണ്‍വീനര്‍ സ്ഥാനം പോയെങ്കിലും സാമുദായിക സംതുലനാവസ്ഥ നിലനിര്‍ത്താന്‍ കേന്ദ്രത്തില്‍ നിന്ന് പോസ്റ്റ് ഒപ്പിയ്ക്കാനുള്ള ഒരുക്കത്തിലാണ് ബെന്നി ബഹനാന്‍. ഐ ഗ്രൂപ്പിന്റെ പാര്‍ലമെന്റ് സീറ്റായിരുന്ന ചാലക്കുടി കഴിഞ്ഞ തെരഞ്ഞെടുപ്പില്‍ ചോദിച്ചു വാങ്ങിച്ചത് ഹൈക്കമാന്റാ യായിരുന്നു. എന്നും ഉമ്മന്‍ ചാണ്ടിക്കൊപ്പം നിന്ന ബെന്നി ബഹനാനോട് മുല്ലപ്പള്ളി രാമചന്ദ്രന്‍ കെപിസിസി പ്രസിഡന്റായതോടെ യുഡിഎഫ് കണ്‍വീനര്‍ സ്ഥാനം എം.എം ഹസനുവേണ്ടി ഒഴിയാന്‍ ഉമ്മന്‍ ചാണ്ടി ആവശ്യപ്പെട്ടു. പക്ഷെ ഹൈക്കമാന്റ് പറയണം എന്ന സ്റ്റാന്റ് ബെന്നി എടുത്തു. വര്‍ഷങ്ങളായി കണ്‍വീനര്‍ സ്ഥാനം എ ഗ്രൂപ്പിനായിരുന്നു. പാര്‍ട്ടിയില്‍ ഒരാള്‍ക്ക് ഒരു പദവി എന്ന സമവാക്യം മുന്‍നിര്‍ത്തിയാണ് ബെന്നിയോടു കണ്‍വീനര്‍ സ്ഥാനം ഒഴിയാന്‍ പിന്നെ ഉമ്മന്‍ ചാണ്ടി ആവശ്യപ്പെട്ടത്. ബാക്കി ഉള്ളവര്‍ ഒഴിഞ്ഞാല്‍ താന്‍ ഒഴിയാം എന്ന് ബെന്നി മറുപടി നല്‍കി. വര്‍ഷങ്ങളായി തങ്ങള്‍ കൈവശം വച്ചിരുന്ന കണ്‍വീനര്‍ സ്ഥാനം തിരികെ നല്‍കണമെന്ന് ഹൈക്കമാന്‍ഡിനോടും കെപിസിസി പ്രസിഡന്റിനോടും എ ഗ്രൂപ്പ് കഴിഞ്ഞ ആഴ്ച്ച ആവശ്യപ്പെട്ടു. പക്ഷെ ഹൈക്കമാന്റ് വഴങ്ങിയില്ല.പിന്നീട് ചില മാധ്യമങ്ങളെ കൂട്ടുപിടിച്ച് ആക്രമണം തുടങ്ങിയതോടെയാണ് ബെന്നി മാറിയത്. ആഭ്യന്തരമന്ത്രി സ്ഥാനം നഷ്ടമായതുമുതല്‍ തിരുവഞ്ചൂര്‍ ഖിന്നനായിരുന്നു. മുഖ്യമന്ത്രി എന്ന നിലയിലും എഗ്രൂപ്പിനെ നയിച്ചിരുന്ന നേതാവ് എന്ന നിലയിലും ഉമ്മന്‍ ചാണ്ടിയുടെ പിന്തുണ തിരുവഞ്ചൂരിനു നഷ്ടമായി. അത് ഇതുവരെ തിരിച്ചു കിട്ടിയിട്ടില്ല. സമാന സാഹചര്യമാണ് ബെന്നി ബെഹാന്നനും വന്നു പെട്ടിരിക്കുന്നത്. എ ഗ്രൂപ്പിന്റെയും ഉമ്മന്‍ ചാണ്ടിയുടെയും പിന്തുണ ബെന്നി ബഹന്നാനു നഷ്ടമായിരിക്കുന്നു. ഉമ്മന്‍ ചാണ്ടിയുടെ നിഴലായ നേതാവാണ് ആ സ്ഥാനത്ത് നിന്നും ഇപ്പോള്‍ അകന്നു നില്‍ക്കുന്നത്. ഉമ്മന്‍ ചാണ്ടിക്ക് പ്രഭാവമില്ലാത്ത കാലത്ത് പോലും ഉമ്മന്‍ ചാണ്ടിക്ക് പിന്നില്‍ അടിയുറച്ച് നിന്ന അപൂര്‍വ്വം നേതാക്കളില്‍ ഒരാളാണ് ബെന്നി ബെഹന്നാന്‍. യുഡിഎഫ് കണ്‍വീനര്‍ പദവി ഒഴിച്ച് ബെന്നിക്ക് ഇതുവരെ വന്ന പദവികള്‍ മുഴുവന്‍ ഉമ്മന്‍ ചാണ്ടിക്ക് ഒപ്പം നിന്ന് നേടിയതാണ്. അതേ അവസ്ഥയാണ് തിരുവഞ്ചൂരും. അതിനാല്‍ രണ്ടു പേരും ഒരുമിച്ച് നീങ്ങാനുള്ള നീക്കത്തിലാണ്. പത്തനംതിട്ടയിലെയും , വടക്കന്‍ കേരളത്തിലെയും സമാന മനസുള്ള നേതാക്കളെ ഒന്നിച്ച് നിര്‍ത്താനുള്ള നീക്കം ബെന്നി തുടങ്ങിക്കഴിഞ്ഞു.