സമീക്ഷ ബ്രാഞ്ച് സമ്മേളനങ്ങൾക്ക് സമാപനം ഇനി ദേശീയ സമ്മേളനനത്തിലേക്ക്

സമീക്ഷ നാലാം ദേശീയ സമ്മേളനനത്തിന്റെ ഭാഗമായി നടന്നു വന്നിരുന്ന ബ്രാഞ്ച് സമ്മേളനങ്ങൾക്കു ഇന്നലെ (27 / 09 /2020 ) സമാപനമായി. കോവിഡ് നിയന്ത്രണങ്ങൾ കണക്കിലെടുത്തു ഓൺലൈൻ ആയീ ആണ് സമ്മേളനങ്ങൾ നടന്നത്. ദേശീയ സമ്മേളനം വൻ വിജയമാക്കാൻ ഉതകുന്ന ചർച്ചകളും നിർദ്ദേശങ്ങളും ആയിരുന്നു സമ്മേളനങ്ങളിൽ ഉയർന്നു വന്നത്. കേന്ദ്ര സർക്കാരിന്റെ കർഷക വിരുദ്ധ നയങ്ങൾ, സംഘ പരിവാർ രാഷ്ട്രീയത്തിന് എതിരായി കേരളത്തിലെ മതേതര ഇടതുപക്ഷ സർക്കാരിന്റെ തുടർ ഭരണം, വികസന പെരുമഴ നടത്തുന്ന കേരള സർക്കാരിനെതിരെ വലതു പക്ഷ മാധ്യമങ്ങളുടെ നുണ പ്രചരണം എന്നിങ്ങനെ സമകാല രാഷ്ട്രീയ വിഷയങ്ങളിൽ സമ്മേളനങ്ങൾ പ്രമേയം അവതരിപ്പിച്ചു. ഇനി ഒക്‌ടോബർ നാലാം തിയതി നടക്കുന്ന ദേശീയ സമ്മേളനത്തിന്റെ ആവേശത്തിലാണ് UK യിലെ ഇടതുപക്ഷ പ്രവർത്തകർ. UK യിലെ എന്നല്ല ഒരുപക്ഷെ ലോകത്തിലെ തന്നെ പ്രവാസികളുടെ ഇടയിൽ ആദ്യമായീ ആവും ഒരു സംഘടന വെബ്ബിനാറായി ദേശീയ സമ്മേളനം നടത്തുന്നത്. 2019 ഹീത്രൂ യിൽ നടന്ന സമ്മേളനത്തിന് ശേഷം നാലാം സമ്മേളനം UK യിലെ ഇടതു സഹയാത്രികരുടെ ഒരു ശക്തി പ്രകടനം തന്നെ ആകുമായിരുന്നപ്പോൾ ആണ് കോവിഡ് മഹാമാരി ലോകത്തെ കിഴ്പെടുത്തിയത്, പക്ഷെ മാനദണ്ഡങ്ങൾ പാലിച്ചു വെബ്ബിനാർ ആയീ നടത്തുന്ന സമ്മേളനം ആവേശം ഒട്ടും കെടുത്തിയിട്ടില്ല എന്നാണ് ബ്രാഞ്ച് സമേളങ്ങൾ നൽകുന്ന സൂചന. ആറാം തീയതി നടക്കുന്ന സമ്മേളനത്തിൽ സ. എം എ ബേബി, സ. എം സ്വരാജ് , സ. ഹർസെവ് ബെയിൻസ്, ശ്രീ ഹരീഷ് പേരടി, ശ്രീമതി രശ്മിത രാമചന്ദ്രൻ, സ. ദിനേശ് വെള്ളാപ്പള്ളി, സ. സ്വപ്ന പ്രവീൺ എന്നിവർ പ്രവർത്തകരെ അഭിസമ്പോധന ചെയ്തു സംസാരിക്കും. പതിനൊന്നാം തിയതി നടക്കുന്ന പ്രതിനിധി സമ്മേളനം സിപിഎം സംസ്ഥാന സമിതി അംഗം സ. പി രാജീവ് ഉത്‌ഘാടനം ചെയ്യും .