ചാര്‍റ്റേഡ് അക്കൗണ്ടന്റിനെ നല്‍കിയത് സ്വപ്‌നയ്ക്കല്ല, യു എ ഇ കോണ്‍സിലേറ്റിന്

യുഎഇ കോണ്‍സുലേറ്റിന്റെ സാമ്പത്തിക ഇടപാടുകള്‍ക്കു നിയമോപദേശം നല്‍കാന്‍ കഴിയുന്ന വിശ്വസിക്കാവുന്ന ചാര്‍ട്ടേഡ് അക്കൗണ്ടന്റിനെ പരിചയപ്പെടുത്തണമെന്നാവശ്യപ്പെട്ടത് സ്വപ്നയാണ്. അങ്ങനെയാണു നേരിട്ടറിയാവുന്ന ഒരാളെ പരിചയപ്പെടുത്തിയതെന്നും ശിവശരന്റെ മൊഴി. കഴിഞ്ഞ ദിവസം മുന്‍ ഐടി സെക്രട്ടറി എ ഐ എ യ്ക്ക് നല്‍കിയ മൊഴിയാണ് വിവിധ മാധ്യമങ്ങളിലൂടെ പുറത്തുവന്നിരിക്കുന്നത്. പ്രളയദുരിതാശ്വാസത്തിനു വിദേശസഹായം തേടി സംസ്ഥാന സര്‍ക്കാരിനു വേണ്ടി ശിവശങ്കറിന്റെ നേതൃത്വത്തിലുള്ള ഉദ്യോഗസ്ഥസംഘം യുഎഇയില്‍ നടത്തിയ ചര്‍ച്ചകളുടെ വിശദാംശങ്ങള്‍ കോണ്‍സുലേറ്റിലെ ഉദ്യോഗസ്ഥ എന്ന നിലയില്‍ സ്വപ്‌നയ്ക്കും അറിയാമായിരുന്നു എന്നാണ് എന്‍ ഐ കണ്ടത്തിയത്. . ഉദ്യോഗസ്ഥര്‍ മടങ്ങിയതിനു ശേഷം യുഎഇ കോണ്‍സുലേറ്റിലെ ബന്ധങ്ങള്‍ ഉപയോഗപ്പെടുത്തി സ്വപ്ന നടത്തിയ സമാന്തരചര്‍ച്ചകളെ തുടര്‍ന്നാണു പദ്ധതിയുടെ മറവില്‍ നടത്തിയ കമ്മിഷന്‍ ഇടപാടുകളുടെ തുടക്കം. ഇതേക്കുറിച്ചു ശിവശങ്കറിനും അറിവുണ്ടായിരുന്നതായി ഒരു തെളിവും കഴിഞ്ഞ ദിവസം വരെ ലഭിച്ചിട്ടില്ല. വിദേശത്തു നിന്നു സാമ്പത്തിക സഹായം സ്വരൂപിക്കുന്ന ഇടനിലക്കാര്‍ക്കു കമ്മിഷന്‍ ലഭിക്കുന്നത് അവിടെ വച്ചാണെങ്കില്‍ അത് കുറ്റമായി നിലനിര്‍ത്താന്‍ പറ്റുമോ എന്നു പരിശോധിക്കുന്നുണ്ട്. കമ്മിഷന്‍ തുകയില്‍ ഒരു രൂപ പോലും കൈപ്പറ്റിയിട്ടില്ലെന്നും സ്വപ്നയുടെ ലോക്കറില്‍ കണ്ടെത്തിയ പണവും സ്വര്‍ണവും അവരുടേതു മാത്രമാണെന്നും ശിവശങ്കര്‍ മൊഴി നല്‍കിയിരിക്കുന്നത്.