ദൂരഹതയ്ക്ക് രണ്ട് വയസ് സി ബി ഐ നുണപരിശോധന തുടങ്ങി

---

ബാലഭാസ്‌കറിന്റെ ജീവനെടുത്ത ദുരൂഹതകള്‍ നിറഞ്ഞ അപകടം നടന്ന് രണ്ട് വര്‍ഷതികഞ്ഞപ്പോള്‍ വയലിനില്‍ മാന്ത്രിക സംഗീതം സമ്മാനിച്ച പ്രിയ കലാകാരന്റെ ജീവന്‍ കവര്‍ന്നഅപകടത്തെ ചുറ്റിയുള്ളസംശയങ്ങള്‍ നീക്കാന്‍ നുണപരിശോധന തുടങ്ങി. അന്വേഷണത്തിന്റെ ഭാഗമായി നാല് പേരുടെ നുണപരിശോധന നടത്താന്‍ സിബിഐ തീരുമാനിച്ചിരിക്കുന്നത്. ഇന്ന് അര്‍ജുന്‍, പ്രകാശ് തമ്പി ശനിയാഴ്ച വിഷ്ണു സോമസുന്ദരം, കലാഭവന്‍ സോബി എന്നിവരെയും പരിശോധനക്ക് വിധേയരാക്കും. കൊച്ചിയിലെ സിബിഐ ഓഫീസിലാണ് പരിശോധന. മകള്‍ തേജസ്വിനി ബാലയുടെ വഴിപാടുമായി ബന്ധപ്പെട്ടാണ് തൃശൂര്‍ വടക്കുംനാഥ ക്ഷേത്രത്തിലേക്ക് ബാലഭാസ്‌കറും കുടുംബവും സ്വന്തം വാഹനത്തില്‍ പോയത്. സുഹൃത്തായ ഡ്രൈവര്‍ അര്‍ജുനും ഒപ്പമുണ്ടായി. മടക്കയാത്രയില്‍ കഴക്കൂട്ടം പള്ളിപ്പുറത്താണ് വാഹനം അപകടത്തില്‍പ്പെട്ടത്. മകള്‍ ഉടന്‍ മരിച്ചു. ഒക്ടോബര്‍ രണ്ടിന് ബാലഭാസ്‌കറും. ലക്ഷ്മിയും അര്‍ജുനും പരിക്കോടെ രക്ഷപ്പെട്ടു. വാഹനത്തില്‍ ഒപ്പമുണ്ടായ അര്‍ജുന്‍ മൊഴി മാറ്റിയതോടെയാണ് ദുരൂഹതകളുടെ തുടക്കം. വാഹനം ഓടിച്ചത് ആദ്യം താനാണെന്ന് പറഞ്ഞ ഇയാള്‍ പിന്നീട് ബാലഭാസ്‌കറാണെന്ന് തിരുത്തി. ലോക്കല്‍പൊലീസ്,ക്രൈംബ്രാഞ്ച് സംഘങ്ങള്‍ക്ക് മുന്നിലും ഇതേരീതിയില്‍ മൊഴിമാറ്റി. സിബിഐക്ക് മുന്നിലും ബാലഭാസ്‌കറാണ്വാഹനം ഓടിച്ചതെന്നാണ് മൊഴി. ബാലഭാസ്‌കറിന്റെ പരിചയക്കാരായ വിഷ്ണു സോമസുന്ദരവും അര്‍ജുനും തിരുവനന്തപുരം വിമാനത്താവളം വഴിയുള്ള സ്വര്‍ണക്കടത്ത് കേസില്‍ ഡിആര്‍ഐ പിടിയിലായി. അപകടത്തെ കുറിച്ചുള്ള സംശയങ്ങള്‍ ബലപ്പെട്ടു. കലാഭവന്‍ സോബി, കെഎസ്ആര്‍ടിസി ജീവനക്കാരന്‍ ക്രിസ്തുദാസ് എന്നിവരുടെ മൊഴികളും സംശയങ്ങള്‍ക്ക് ആക്കംകൂട്ടി. അപകടസ്ഥലത്ത് സ്വര്‍ണക്കടത്ത് കേസിലെ പ്രതി സരിത്തിനെയും സംഗീതരംഗത്തെ പ്രമുഖനെയുംമറ്റുചിലരെയും കണ്ടെന്ന് സോബി. വാഹനം ഒരുസംഘം ആക്രമിച്ചെന്നും പറഞ്ഞു. വാഹനം ഓടിച്ചത് ബാലഭാസ്‌കറെന്ന് ക്രിസ്ദുദാസ്. മംഗലപുരം പൊലീസും ക്രൈംബ്രാഞ്ചുമാണ് ആദ്യം കേസന്വേഷിച്ചത്. അപകടം ആസൂത്രിതമാണെന്ന് സൂചിപ്പിക്കുന്ന തെളിവുകള്‍ ഒന്നും ക്രൈംബ്രാഞ്ച് അന്വേഷണത്തില്‍ലഭിച്ചില്ല. അന്വേഷണം പൂര്‍ത്തിയാകുംമുമ്പെ ബാലഭാസ്‌കറിന്റെ മാതാപിതാക്കളുടെ ആവശ്യപ്രകാരം കേസ് സിബിഐക്ക്. ബാലഭാസ്‌കറിന്റെ മാതാപിതാക്കള്‍, ബന്ധു പ്രിയ വേണുഗോപാല്‍, ഭാര്യ ലക്ഷ്മി, ഇവരുടെ സഹോദരന്‍ പ്രസാദ്, സംഗീതജ്ഞന്‍ സ്റ്റീഫന്‍ ദേവസി, വിഷ്ണു സോമസുന്ദരം, പ്രകാശ് തമ്പി, അര്‍ജുന്‍, കലാഭവന്‍ സോബി, പാലക്കാട്ടെ ആയുര്‍വേദാശുപത്രി നടത്തിപ്പുകാര്‍ എന്നിവരുടെ മൊഴി സിബിഐ എടുത്തു.