പിജെ ജോസഫിന്റെ രാഷ് ട്രീയകളി മോന്‍സ് അകലുന്നു

കെ എം മാണിയോട് ഇടഞ്ഞും ഇണങ്ങിയും കേരളരാഷ്ട്രീയത്തില്‍ നിറഞ്ഞു നിന്നിരുന്ന പി ജെ ജോസഫിന് ഇനി കരുനീക്കങ്ങള്‍ ദുര്‍ഘടം. പാര്‍ട്ടിയും ചിഹ്‌നവും ഉറപ്പിക്കാന്‍ കോടതിയില്‍ പോയതിനു പിപ്‌നാലെ സ്വന്തം നിമസഭാ അംഗത്വവും മത്‌സരിക്കാനുള്ള യോഗ്യതയും ഉറപ്പിച്ചു നിര്‍ത്താനുള്ള പോരാട്ടം കൂടി തുടങ്ങേണ്ട സ്ഥിതിയാണ് കാര്യങ്ങള്‍ . അതിനിടെ സ്വന്തം മനസാക്കഷി മോന്‍സ്‌ജോസഫ് ഇടഞ്ഞു നില്‍ക്കുന്നത് പുതിയ പ്രതിസന്ധിയാണ്. ഇടതും വലതും നിന്ന് കടുത്തുരുത്തിയില്‍ വളര്‍ന്ന മോന്‍സിന് കൂറുമാറ്റം വലിയ ഭീഷണിയാണ്. അതിനു പുറമെ ജോസഫ് ഗ്രൂപ്പില്‍ ജോയി എബ്രഹാം, ഫ്രാന്‍സിസ് ജോര്‍ജ്, ജോണി നെല്ലൂര്‍ തുടങ്ങിയവര്‍ നേടിയെടുത്തിരിക്കുന്ന മേല്‍ക്കോയ്മ മോന്‍സിനെ അസ്വസ്ഥനാക്കുന്നുണ്ട്. പി സി ജോര്‍ജ് തന്റെ പഴയ അനുയായി വഴി ജോസഫ് ഗ്രൂപ്പില്‍ എത്താനുള്ള ശ്രമം തുടങ്ങിയിട്ടുണ്ട്. അതു കൂടി സംഭവിച്ചാല്‍ ജോസ് കെ മാണിയുമായി രമ്യതയില്‍ പോകാം എന്നാണ് മോന്‍സിന്റെ നിലപാട്. ഇന്നലെയാണ് പാര്‍ടി വിപ്പ് ലംഘിച്ച് അവിശ്വാസപ്രമേയ ചര്‍ച്ചയില്‍ പങ്കെടുത്ത പി ജെ ജോസഫ്, മോന്‍സ് ജോസഫ് എന്നിവരെ കൂറുമാറ്റ നിയമപ്രകാരം അയോഗ്യരാക്കണമെന്നാവശ്യപ്പെട്ട് കേരള കോണ്‍ഗ്രസ് എം വിപ്പ് റോഷി അഗസ്റ്റിന്‍ സ്പീക്കര്‍ക്ക് കത്ത് നല്‍കിയത്. ആഗസ്ത് 24ലെ സഭാസമ്മേളനത്തില്‍ പങ്കെടുക്കരുതെന്ന പാര്‍ടി വിപ്പ് ലംഘിച്ച് സഭയില്‍ ഹാജരായി നടപടികളില്‍ പങ്കെടുത്ത ഇരുവരും കുറുമാറ്റം നടത്തിയതായി കത്തില്‍ പറഞ്ഞു. എന്‍ ജയരാജാണ് റോഷിയുടെ കത്ത് സ്പീക്കര്‍ക്ക് കൈമാറിയത്. കേരള കോണ്‍ഗ്രസ് എമ്മിന് അഞ്ച് അംഗങ്ങളാണുള്ളത്. റോഷി അഗസ്റ്റിനും എന്‍ ജയരാജും സഭാ സമ്മേളനത്തില്‍ പങ്കെടുത്തില്ല. സി എഫ് തോമസ് അസുഖം കാരണം വിട്ടുനിന്നു. എന്നാല്‍, പി ജെ ജോസഫും മോന്‍സ് ജോസഫും പങ്കെടുത്തു. നതില്‍ സ്പീക്കര്‍ നടപടിസ്വീകരിച്ചാല്‍ മോന്‍സിനും ജോസഫിനും അംഗത്വം നഷ്ടമാവും. തിരഞ്ഞെടുപ്പിന് തൊട്ടുമുന്‍പു വരെ അതിനുള്ള സമയം സ്പീക്കര്‍ക്കുണ്ട്. ആറുമാസത്തിനുള്ളില്‍ തീരുമാനം എടുത്താല്‍ മതി ണ ഇപ്പോള്‍ കോടതിയുള്ള പാര്‍ട്ടികേസില്‍ അതിനു മുന്‍പ് തീരുമാനം വന്നില്ലങ്കില്‍ ജോസഫിന്റെ കാര്യം പ്രതിസന്ധിയിലാവും .