മുസ്‌ളീം ഐക്യം പൊളിഞ്ഞു , ജലീലിനെതിരെ ഹാലിളകി കുഞ്ഞാലിക്കുട്ടി

കേരളത്തിലേക്കുള്ള മടങ്ങി വരവിന് പൊലിമകൂട്ടാന്‍  പുതിയ ജാതീയ ചേരി സൃഷ്ടിക്കാനുള്ള കുഞ്ഞാലക്കുട്ടിയുടെ തന്ത്രം തകര്‍ത്തത് കെ ടി ജലീലിനെതിരായ പ്രക്ഷോഭത്തിന് കാരണം. യു ഡി എഫിന് പുറത്ത് സഖ്യത്തിന് വെല്‍ഫെയര്‍ പാര്‍ട്ടി അടക്കം പല സംഘടനകളെയും ഒന്നിപ്പിച്ച് മലബാര്‍ രാഷ്ട്രീയത്തില്‍ ഇടതുമുന്നണിക്ക് എതിരായി അണിനിരത്താന്‍ ഇടി മുഹമദ് ബഷീറും, കെ പി എ മജീദു പാര്‍ലമെന്റ് തിരഞ്ഞെടുപ്പ് കാലത്ത് തുടക്കമിട്ട നീക്കമാണ് കഴിഞ്ഞ രണ്ടുമാസമായി വീണ്ടും സജീവമായത്. കുഞ്ഞാലിക്കുട്ടി ഇവര്‍ക്ക് വേണ്ട പിന്‍തുണയുമായി കേരളത്തിലേക്ക് എത്തിയതോടെ ആയിരുന്നു ഇതിന് വേഗം കൂടിയത് . ഉമ്മന്‍ചാണ്ടിയുടെ പിന്‍തുണ കൂടി ലഭിച്ചതോടെ അതിന് വേഗം കൂടി. എല്ലാ സംഘടനകളെയും ഇടതുപക്ഷ വിരുദ്ധ ചേരിയില്‍ എത്തിക്കാനായിരുന്നു നീക്കം. കഴിഞ്ഞ മാസം ഇതിന്റെ അവസാനഘട്ട പ്രഖ്യാപനം നടത്താനിരിക്കെയാണ് ഇതില്‍ പല സംഘടനകള്‍ക്കും നല്ല ട്രാക്ക റെക്കോഡ് അല്ല എന്ന കാരണം ചൂണ്ടിക്കാട്ടി സമസ്തയും , കാന്തപുരം വിഭാഗവും പിന്‍മാറിയത്. കുഞ്ഞാലിക്കുട്ടിയുടെ ഈ സ്വപ്‌ന നീക്കത്തെ തകര്‍ക്കുന്നതായി. മന്ത്രി കെ ടി ജലീലിന്റെ നേതൃത്വത്തില്‍ ഒരു സംഘം രാഷ്ട്രീയ പ്രവര്‍ത്തകര്‍ നടത്തിയ നീക്കമാണ് പ്രമുഖ മുസ്‌ളീം സമുദായ സംഘടനകള്‍ അതില്‍ നിന്ന് പിന്‍തിരിയാന്‍ കാരണമായത്. ലീഗ് അക്കൗണ്ടില്‍ എസ് ഡി പി ഐ , ഫെല്‍ഫെയര്‍ പാര്‍ട്ടി നേതാക്കള്‍ക്ക് നിയമസഭാ സീറ്റായിരുന്നു വാഗ് ദാനം . ഒറ്റയടിക്ക് അത് തകര്‍ന്നതോടെ ജലീലിനെതിരെ തെരുവു യുദ്ധം പ്രഖ്യാപിച്ച് ഇവര്‍ ഒന്നിച്ചു. തദ്ദേശ സ്വയംഭരണ തിരഞ്ഞെടുപ്പിന് മുന്‍പ് സംസ്ഥാന തലത്തില്‍ ധാരണയില്‍ എത്താനായിരുന്നു നീക്കം. ആദ്യഘട്ടത്തില്‍ വിജയം നേടിയാല്‍ നിയമസഭാ തിരഞ്ഞെടുപ്പില്‍ യു ഡി എഫില്‍ 35 സീറ്റില്‍ മത്‌സരിക്കാനായിരുന്നു ലീഗ്‌ലക്ഷ്യമിട്ടിരുന്നത്. ഇതുവരെ മത്‌സരിക്കാത്ത കോട്ടയം, ആലപ്പുഴ ജില്ലവരെ എസ് ഡി ഐ അക്കൗണ്ടില്‍ ലീഗ് ലിസ്റ്റില്‍ ഉള്‍പ്പെടുത്തിയിരുന്നു. ഇഡിയുടെ ചോദ്യം ചെയ്യലുമായി ബന്ധപ്പെട്ട് വിശദാംശങ്ങള്‍ മുഖ്യമന്ത്രിയേയും സിപിഎം സംസ്ഥാന സെക്രട്ടറി കോടിയേരി ബാലകൃഷ്ണനെയും ജലീല്‍ ധരിപ്പിച്ചിരുന്നു. ജലീലിന്റെ വിശദീകരണത്തില്‍ പാര്‍ട്ടി നേതൃത്വത്തിന് സംശയങ്ങളില്ല. ആരോപണം ഉയര്‍ന്നാല്‍ മന്ത്രിമാര്‍ രാജിവച്ച് മാറുന്നത് ഉചിതമല്ലെന്നാണ് ഈ മന്ത്രിസഭയിലെ മുന്‍ രാജികള്‍ പഠിപ്പിച്ചതെന്നാണ് സിപിഎം നിലപാട്. വെള്ളിയാഴ്ച ചേരുന്ന ഇടതുമുന്നണി യോഗത്തില്‍ സിപിഎം ജലീലിനെതിരെ ഉയരുന്ന ആക്ഷേപങ്ങളുടെ വസ്തുത മുന്നണിയെ അറിയിക്കും. എന്നാല്‍ ജലീല്‍ രാജി വയ്ക്കും വരെ സമരമെന്ന പ്രഖ്യാപനത്തില്‍ നിന്നും പിന്നോട്ടില്ലന്നാണ് കുഞ്ഞാലിക്കുട്ടിയുടെ നിലപാട്. ജലീലിനെ വഴിയില്‍ തടയുന്ന സമരരീതി തുടരും. സമരത്തിന്റെ ശൈലി കൂടുതല്‍ കടുപ്പിക്കുന്നതും.