മുരളീധരന്‍ തിരുത്തുന്നില്ല ബി ജെ പി യില്‍ പ്രതിഷേധം

സ്വര്‍ണകടത്ത് കേസിലെ പല വിവാദ പ്രസതാവനകളും തിരുത്താതെ കേന്ദ്രമന്ത്രി മുരളീമൂന്‍ തിരുത്താതെ നീങ്ങുന്നതിനെതിരെ ബി ജെ പി യില്‍ പ്രതിഷേധം. പ്രതികളെ സഹായിക്കുന്ന രീതിയിലാവുകയാണ് മന്ത്രിയുടെ പല നിലപാടുകളുമമെന്ന് എതിര്‍ വിഭാഗങ്ങള്‍ ആക്ഷേപം ഉന്നയിച്ചു കഴിഞ്ഞു. പിടികൂടിയ നയതന്ത്ര ബാഗേജ് തന്റേതാണെന്ന് യുഎഇ കോണ്‍സുലേറ്റ് അറ്റാഷെയും സമ്മതിച്ചതായി കസ്റ്റംസ് രേഖ പറഞ്ഞിട്ടും മന്ത്രിയുടെ നിപാട് പര്‍ട്ടിക്ക് പ്രശ്‌നമാണെന്ന് ഇവര്‍ പറയുന്നു. അറ്റാഷെ റഷീദ് ഖാമിസ് അലിമുസാഖിരി അല്‍ അഷ്മിയയുടെ സാന്നിധ്യത്തില്‍ കസ്റ്റംസ് കാര്‍ഗോ കോംപ്ലക്സില്‍ നടന്ന ബാഗേജ് പരിശോധനയ്ക്കുശേഷം കോടതിയില്‍ സമര്‍പ്പിച്ച വിശദ റിപ്പോര്‍ട്ടിലാണ് ഈ വിവരമുള്ളത്. കഴിഞ്ഞമാസം അഞ്ചിനാണ് ബാഗേജ് പരിശോധിക്കാന്‍ കസ്റ്റംസ് അറ്റാഷെയെ വിളിച്ചുവരുത്തിയത്. ബാഗേജ് തുറക്കുംമുമ്പ് അതില്‍ രേഖപ്പെടുത്തിയ നമ്പരും മുദ്രകളും എയര്‍വേ ബില്ലില്‍ ഉള്ളതുപോലെതന്നെയാണെന്ന് അദ്ദേഹത്തെ ബോധ്യപ്പെടുത്തി. തന്റെ കുടുംബം ഷാര്‍ജയില്‍നിന്ന് അയച്ച നയതന്ത്ര ബാഗേജാണ് ഇതെന്നും ഒമ്പതിനം ഭക്ഷ്യസാധനങ്ങളാണ് അതിലുള്ളതെന്നും ഇന്‍വോയ്സ് കാണിച്ച് അറ്റാഷെ വിശദീകരിച്ചു. 1035444 നമ്പര്‍ ഇന്‍വോയ്സ് പ്രകാരം ജൂണ്‍ 25ന് ഷാര്‍ജയിലെ അല്‍സത്താര്‍ സ്പൈസസില്‍നിന്നാണ് ബാഗേജ് അയച്ചിരുന്നത്. ഇന്‍വോയ്സ് പ്രകാരം ബാഗേജിലുണ്ടായിരുന്ന ഭക്ഷ്യസാധനങ്ങള്‍ പരിശോധിച്ച് തയ്യാറാക്കിയ മഹസറില്‍ അറ്റാഷെ കൗണ്ടര്‍ സൈന്‍ ചെയ്തതായും കസ്റ്റംസ് കോടതിയില്‍ സമര്‍പ്പിച്ച റിപ്പോര്‍ട്ടില്‍ പറയുന്നു. അറ്റാഷെയെ തടയേണ്ടത് ആഭ്യന്തരമന്ത്രാലയമെന്ന് യുഎഇ അറ്റാഷെ രാജ്യം വിട്ട സംഭവത്തിന്റെ ഉത്തരവാദിത്തം ആഭ്യന്തര മന്ത്രാലയത്തിനുമേല്‍ ചുമത്തി വിദേശസഹമന്ത്രി വി മുരളീധരന്‍. വിദേശമന്ത്രാലയത്തിന് ഇതുമായി ഒരു ബന്ധവുമില്ലെന്നും ആഭ്യന്തര മന്ത്രാലയമാണ് വിസ അനുവദിക്കുന്നതെന്നുമാണ് ചാനല്‍ ചര്‍ച്ചയില്‍ കേന്ദ്രമന്ത്രി പറഞ്ഞത്. ഇതും ഡല്‍ഹിയിലെ പാര്‍ട്ടി നേതാക്കളിലും അനിഷ്ടം ഉണ്ടാക്കിയിട്ടുണ്ട്. കസ്റ്റംസ് ജോയിന്റ് കമീഷണര്‍ അനീഷ് പി രാജനെ സ്ഥലംമാറ്റിയതിന് കേസുമായി ബന്ധമില്ലെന്നും സ്വര്‍ണക്കടത്ത് മുഴുവന്‍ പിടിച്ചത് അദ്ദേഹമല്ലെന്നും സഹമന്ത്രി പ്രതികരിച്ചു. വിദേശ സഹമന്ത്രി സ്വയം ന്യായീകരിക്കാന്‍ ഉത്തരവാദിത്തം മുഴുവന്‍ അമിത് ഷായുടെ നേതൃത്വത്തിലുള്ള ആഭ്യന്തര മന്ത്രാലയത്തിനുമേല്‍ ചാരിയത് ബിജെപിയില്‍ വിവാദമായിട്ടുണ്ട്.