രാജ്യാന്തര യാത്രകൾ , വിലക്ക് ഓഗസ്റ്റ് 31 വരെ

രാജ്യാന്തര വിമാന സർവീസുകൾക്കുളള വിലക്ക് ഓഗസ്റ്റ് 31 വരെ തുടരുമെന്ന് ഡിജിസിഎ ഉത്തരവ്. വിവിധ രാജ്യങ്ങളുമായി ചേർന്ന് ട്രാവൽ ബബിൾസ് സർവീസുകൾ രാജ്യം അനുവദിക്കും. ആദ്യഘട്ടത്തിൽ ഇതിൽ യുഎസ്എ, ജർമനി, ഫ്രാൻസ് രാജ്യങ്ങളാണ് ഉൾപ്പെടുക. പിന്നീട് യുകെ, കാനഡ എന്നീ രാജ്യങ്ങളും സർക്കാർ നിർദേശങ്ങൾ പാലിച്ച് ഈ രാജ്യങ്ങളിൽ നിന്നും ഇന്ത്യയിലേക്ക് യാത്ര ചെയ്യാൻ അനുവദിക്കുന്ന ഈ സംരംഭത്തിൽ പങ്കാളികളായേക്കും. രാജ്യാന്തര യാത്രകൾ വരുന്ന ഓഗസ്റ്റ് 31 രാത്രി 11.59 പിഎം വരെ നിർത്തലാക്കുവാൻ സർക്കാർ തീരുമാനിച്ചു. എന്നാൽ അനുവാദം ലഭിച്ച കാർഗോ വിമാനങ്ങൾക്ക് ഇത് ബാധകമല്ലെന്ന് ഡയറക്ടർ ജനറൽ ഓഫ് സിവിൽ എവിയേഷൻ പുറത്തിറക്കിയ പ്രസ്താവനയിൽ പറയുന്നു.