വീരന്റെ പിന്‍ഗാമിയായി ആരെത്തും

കേരള രാഷ്ട്രീയത്തില്‍ നിലപാടുകള്‍കൊണ്ട് ശ്രദ്ധനേടിയിട്ടുള്ള എം പി വീരേന്ദ്രകുമാറിന്റെ പകരക്കാരായി രാജ്യ സഭയിലേക്ക് ഇനി ആരു പോകും . ജനതാദളിനാണോ അതോ സി പി എം പ്രതിനിധിയാണോ രാജ്യസഭയിലേക്ക് പോവുക. മലബാര്‍ രാഷ്ട്രീയം ഇപ്പോള്‍ ചര്‍ച്ച ചെയ്യുന്ന പ്രധാന സഭവമാണിത്. കോവിഡ് കാലമായതിനാല്‍ മുഖ്യധാരമാധ്യമങ്ങള്‍ ഇതുവരെ ഇതിലേക്ക് എത്തിയിട്ടില്ല. നിലവിലെ സാഹചര്യത്തില്‍ സി പി എം അംഗമായിരിക്കും രാജ്യസഭയില്‍ എത്തുക എന്നാണ സൂചന. കേരളത്തില്‍ ഒഴിവുള്ള രാജ്യസഭാ സീറ്റിലേക്കുള്ള തെരഞ്ഞെടുപ്പ് ഓഗസ്റ്റ് 24നാണ്. തെരഞ്ഞെടുപ്പ് വിജ്ഞാപനം ഓഗസ്റ്റിന് പുറത്തിറങ്ങും. നാമനിര്‍ദേശ പത്രിക സമര്‍പ്പിക്കാനുള്ള അവസാന തിയതി 13 ആണ്. സൂക്ഷ്മ പരിശോധന 14ന്. പത്രിക പിന്‍വലിക്കാനുള്ള അവസാന തിയതി 17. ഓഗസ്റ്റ് 26ന് മുന്‍പ് തെരഞ്ഞെടുപ്പ് നടപടിക്രമങ്ങള്‍ പൂര്‍ത്തിയാക്കുമെന്നും തെരഞ്ഞെടുപ്പ് കമ്മീഷന്‍ അറിയിച്ചു. കോവിഡ് മാനദണ്ഡങ്ങള്‍ പൂര്‍ണമായി പാലിച്ച് തെരഞ്ഞെടുപ്പ് പൂര്‍ത്തിയാക്കണമെന്നാണ് തെരഞ്ഞെടുപ്പ് കമ്മീഷന്റെ നിര്‍ദേശം. വീരേന്ദ്രകുമാറിന്റെ മരണത്തെ തുടര്‍ന്ന് മെയ് 25 മുതല്‍ സീറ്റ് ഒഴിഞ്ഞുകിടക്കുകയാണ്. ജയിക്കുന്നയാള്‍ക്ക് 2022 ഏപ്രില്‍ രണ്ടാം തിയതിവരെ എംപിയായി തുടരാം.