വടക്കുനിന്നുള്ള ആ വമ്പന്‍

വടക്കന്‍കേരളത്തിലെ സ്വര്‍ണ കടത്തുകാരെ ഗള്‍ഫുമായി ബന്ധിപ്പിക്കുന്ന കണ്ണി ആര്. സ്വര്‍ണ കേസ് അന്വേഷണം ഒന്നാം ഘട്ടം പിന്നിടുമ്പോള്‍ ഇതുവരെ പുറത്തുവരത്ത രഹസ്യ ഇടപാടുകാരന്‍ ഈ ആദൃശ്യ മനുഷ്യനാണ്. അന്വേഷണത്തിന്റെ ഏറ്റവും പ്രധാന ഘട്ടം വരാനിരിക്കുന്നതേയുള്ളൂ. അതുകൊണ്ടു തന്നെ കേന്ദ്ര ആഭ്യന്തരമന്ത്രി അമിത് ഷായും ദേശീയ സുരക്ഷാ ഉപദേഷ്ടാവ് അജിത് ഡോവലും കേസിലെടുക്കുന്ന താല്‍പര്യവും ബിജെപി സര്‍ക്കാരിന്റെ മനോഭാവവും വ്ക്തമാക്കുന്നത് അന്വേഷണം കൂടുതല്‍ ശക്തമാവും എന്നതാണ്. പക്ഷെ ഇതുവരെ ഉത്തരകേരളത്തില്‍ ചെറിയ മീനുകള്‍ മാത്രമേ കുടുങ്ങിയിട്ടുള്ളൂ എന്നതാണ് യാഥാര്‍ത്ഥ്യം . സംസ്ഥാന സര്‍ക്കാരിനെതിരെ നിരന്തരം വിമര്‍ശനമുന്നയിച്ചുവന്ന കേന്ദ്രമന്ത്രി വി.മുരളീധരന്‍ ഈ കേസില്‍ പൊതുവില്‍ മൗനത്തിലാണ്. തെളിവുകളുടെ അടിസ്ഥാനത്തില്‍ വിട്ടുവീഴ്ചയില്ലാതെ എന്‍ഐഎ നീങ്ങുമെന്നാണു സംസ്ഥാന ബിജെപി നേതൃത്വത്തെ കേന്ദ്രനേതൃത്വം അറിയിച്ചിരിക്കുന്നത്. കള്ളക്കടത്ത്, ഭീകരവാദ ബന്ധങ്ങള്‍ ഇതിനും കോടതിക്ക് ബോധ്യപ്പെടുന്ന സാഹചര്യം ഉണ്ടാകണം. ചോദ്യം ചെയ്യലില്‍ ഇതിനകം വിവാദമായ കണ്‍സല്‍റ്റന്‍സി, രാഷ്ട്രീയ ഫണ്ടിങ് തട്ടിപ്പുകളുമായി ബന്ധപ്പെട്ട പരമാവധി വിവരങ്ങള്‍ ഫൈസലില്‍ എന്‍ഐഎ ശേഖരിക്കും. സ്വപ്നയും സരിത്തും ഫോണില്‍ ബന്ധപ്പെട്ടതില്‍നിന്നു കുറ്റവാളികള്‍ക്കു വമ്പന്‍മാര്‍ക്ക് ബന്ധമാണ് എന്‍ഐഎക്കു മുന്നില്‍ വെളിവാകുന്നത്. ഈ വിവരങ്ങള്‍ എന്‍ഐഎയുടെ അന്വേഷണപരിധിയില്‍ വരാത്തതിനാല്‍ വിശദാംശങ്ങള്‍ വ്യക്തമാക്കി സിബിഐ അന്വേഷണത്തിന് അവര്‍ക്കുതന്നെ ശുപാര്‍ശ ചെയ്യാം. .

ഗുണം ആര്‍ക്ക് ?

ഈ പടനീക്കങ്ങളുടെ ഗുണഭോക്താവ് ആരെന്ന ചോദ്യത്തിന് ഉത്തരം കിട്ടിയില്ലങ്കില്‍ പ്രതി രോധത്തില്‍ ആവുക കേന്ദ്രസര്‍ക്കാരാണ്. കേസ് മുന്നോട്ടു പോകുമ്പോള്‍ ചില യുഡിഎഫ് നേതാക്കളുടെ ധനസ്രോതസ്സുകളിലേക്ക് അന്വേഷണമെത്തുമെന്ന വിലയിരുത്തലുമുണ്ട്.