നാണം കെട്ടപ്പോള്‍ പുതിയ തന്ത്രം

  സരിത കാലത്തെ ഫോണ്‍ലിസ്റ്റ് പോലെ ഇക്കളി കഥകള്‍ മെനയാന്‍ അവസരം കിട്ടാത്തത്തിനാല്‍ പ്രതിപക്ഷം പുതിയ നീക്കവുമായി രംഗത്ത് .മന്ത്രി ജലീല്‍ പ്രോട്ടോക്കോള്‍ ലംഘനം നടത്തിയോ എന്നാണ് ഇപ്പോള്‍ തര്‍ക്കം. ജലീലിന്റെ വിശദീകരണം കണ്ടില്ലന്ന് മട്ടിലാണ് ഇപ്പോഴത്തെ പ്രചരണം. ഫോണ്‍ വിളി ആരോപണം വന്നദിവസം തന്നെ ഇക്കാര്യത്തില്‍ മന്ത്രി നല്‍കിയ വിശദീകരണം ഇതായിരുന്നു. കോണ്‍സുലേറ്റ് ജനറല്‍ റിലീഫ് കിറ്റ് വിതരണത്തിന് തയാറാണെന്നും അത് എവിടെ കൊടുക്കണം എന്നു പറഞ്ഞ് എന്നെ വിളിച്ചു. കിറ്റ് കൊടുക്കുന്ന കാര്യത്തിന് സ്വപ്നയെ വിളിച്ചു എന്നുമാണ്. കോണ്‍സുലേറ്റ് ജനറലിന്റെ വാട്‌സാപ്പ് മെസേജിന്റെ കോപ്പിയും പുറത്തുവിട്ടു . പുതിയ വിവാദം ഇതെല്ലാം മറച്ചുവെച്ചാണ് , ഭക്ഷ്യക്കിറ്റ് ആവശ്യപ്പെട്ടു മന്ത്രി കെ.ടി. ജലീല്‍ അങ്ങോട്ടു വിളിച്ചെങ്കില്‍ അതു വിദേശകാര്യ മന്ത്രാലയം പുറത്തിറക്കിയ പ്രോട്ടോക്കോളിന്റെ ലംഘനം എന്ന് പറയുന്നത് തനിക്കാണ് മെസേജ് വന്നതെന്ന് മന്ത്രി പറഞ്ഞിരുന്നു്, റംസാന് നല്‍കുന്നത് അന്ന് കൊടുത്തില്ല കൊവിഡ് സമയത്ത് വിതരണത്തിന് നല്‍കി എന്നും വാര്‍ത്താ ലേഖകരോട് മന്ത്രി പറഞ്ഞിരുന്നു. പുതിയ വിവാദ വാര്‍ത്തയുടെ പോക്ക് ഇങ്ങനെയാണ് . വിദേശകാര്യ മന്ത്രാലയത്തിന്റെ പ്രോട്ടോക്കോള്‍ ഹാന്‍ഡ്ബുക്കിന്റെ 18-ാം അധ്യായത്തില്‍, വിദേശ രാജ്യങ്ങളുടെ കാര്യാലയങ്ങള്‍ താല്‍ക്കാലിക വിഷയങ്ങള്‍ക്കപ്പുറമുള്ള കാര്യങ്ങളില്‍ സംസ്ഥാന സര്‍ക്കാര്‍ അധികൃതരുമായി ബന്ധം സ്ഥാപിക്കാന്‍ പാടില്ലെന്നു വ്യക്തമാക്കിയിട്ടുണ്ട്. അടുത്ത അധ്യായത്തിലും നിയന്ത്രണങ്ങള്‍ വിശദീകരിക്കുന്നു. സാമ്പത്തിക സഹായം നല്‍കുന്നുണ്ടെങ്കില്‍ ഫോറിന്‍ കറന്‍സി റഗുലേഷന്‍ ആക്ടിനു വിധേയമായിരിക്കണം. ഇക്കാര്യം വിദേശകാര്യ മന്ത്രാലയത്തെ അറിയിച്ച് അനുമതി വാങ്ങണം. സംസ്ഥാന മന്ത്രിമാര്‍ പദവിയുടെ അന്തസ്സ് പാലിക്കണമെന്നതിനാല്‍ ഇത്തരം കാര്യങ്ങള്‍ക്കു സര്‍ക്കാരിന്റെ പ്രോട്ടോക്കോള്‍ വിഭാഗം വഴിയാണു ബന്ധപ്പെടേണ്ടത്. വ്യക്തിപരമായി വിളിച്ചു സാധനങ്ങള്‍ ആവശ്യപ്പെടുന്നതു ശരിയായ കീഴ്വഴക്കമല്ല. താന്‍ സാധനം ആവശ്യപ്പെട്ടില്ല, അവര്‍ ഓഫര്‍ ചെയ്തത് കണ്‍സ്യമര്‍ ഫെഡുവഴി വിതരണം ചെയ്യാനുള്ള സൗകര്യമാണ് ചെയ്തതെന്നും ആദ്യദിവസം തന്നെ മന്ത്രി വ്യക്തമാക്കിയിരുന്നു. ഇതൊന്നും പുതിയ വിവാദക്കാര്‍ ശ്രദ്ധിച്ചിട്ടേയില്ല.