സമരങ്ങള്‍ മറയാക്കി കോവിഡ് വ്യാപനം ഐ ബി റിപ്പോര്‍ട്ട്

  നിലവിലെ രാഷ്ട്രീയ സാഹചര്യത്തില്‍ കോവിഡ് മാനദണ്ഡങ്ങള്‍ ലംഘിച്ച് ചില സംഘടനകള്‍ നടത്തുന്ന സമരങ്ങളില്‍ കൊവിഡ് പ്രതിരോധത്തിനെതിരെ നിലകൊണ്ട ചില സംഘടനകള്‍ നിഴഞ്ഞു കയറുന്നു. ഇത് രോഗവ്യാപന സാധ്യത കൂട്ടുമെന്ന് രഹസ്യാന്വേഷണ വിഭാഗം റിപ്പോര്‍ട്ട് നല്‍കി. മതസാമുദായി സംഘടനകളുടെ പിന്‍ബലത്തില്‍ പ്രവര്‍ത്തിക്കുന്ന ഈ സംഘടനയുടെ പ്രവര്‍ത്തകരാണ് പൂന്തുറയിലു, കോഴിക്കോട്ടും സംഘര്‍ഷം സൃഷ്ടിക്കാന്‍ മുന്‍ നിരയില്‍ നിന്നത്. അണികളെ നിയ്ന്ത്രിക്കാന്‍ യു ഡി എഫ് നേതൃത്വത്തിന് കഴിയാത്തത് പുറത്തുനിന്നുള്ള ഇത്തരം സംഘങ്ങള്‍ കടന്നു കൂടാന്‍ കാരണമാവുന്നുവെന്നാണ് റിപ്പോര്‍ട്ട് പറയുന്നത്. കൊറോണ രോഗമില്ലന്നും ഇത് ചില പ്രത്യേക മതവിഭാഗങ്ങളെ ഒതുക്കാന്‍ കൊണ്ടുവന്ന നടപടിയാണന്നു പറഞ്ഞ് വട്‌സാപ്പിലും , രഹസ്യ സോഷ്യല്‍ മീഡിയ ഗ്രൂപ്പിലും പ്രചരണം നടത്തിയവരാണ് ഇപ്പോഴും അണിയറിയില്‍ പ്രവര്‍ത്തിക്കുന്നത്. പൂന്തുറയില്‍ ആരോഗ്യ വകുപ്പ് പ്രവര്‍ത്തകരെ ഭീഷണിപ്പെടുത്തിയതും ഇക്കൂട്ടരായിരുന്നുവെന്ന്കണ്ടത്തിയിട്ടുണ്ട്. രോഗ വ്യാപനത്തോതുയര്‍ത്താന്‍ മനഃപൂര്‍വം ഇടപെടലുകള്‍ നടക്കുന്നുവെന്നും റിപ്പോര്‍ട്ടില്‍ പറയുന്നുണ്ട്. യുഡിഎഫും ബിജെപിയും നടത്തിയ സമരങ്ങളെല്ലാം കോവിഡ് മാനദണ്ഡം അട്ടിമറിച്ചായിരുന്നു. കേന്ദ്രസംസ്ഥാന സര്‍ക്കാരുകളുടെ കോവിഡ് സുരക്ഷാ നിര്‍ദേശങ്ങള്‍ പാലിക്കാതെയാണ് നേതാക്കളുള്‍പ്പെടെ പങ്കെടുക്കുന്നത്. സമരത്തില്‍ കോവിഡ് രോഗികളുണ്ടെങ്കില്‍ പങ്കെടുത്തവര്‍ വഴിയും സമരക്കാര്‍ വീടുകളിലേക്ക് മടങ്ങുമ്പോഴുമുണ്ടാകുന്ന രോഗ വ്യാപനത്തോതും വലുതായിരിക്കും. ഇത് പിടിച്ചുനിര്‍ത്താന്‍ കഴിയില്ല. പൊലീസിന് ഗ്ലൗസും മാസ്‌ക്കും ഫെയ്സ് ഷീല്‍ഡുമാണ് ആകെയുള്ള പ്രതിരോധമാര്‍ഗം. അതിര്‍ത്തിയില്‍ പാസില്ലാതെ വരുന്നവരെ കടത്തിവിടണം എന്നാവശ്യപ്പെട്ട് കോണ്‍ഗ്രസ് ജനപ്രതിനിധികള്‍ നടത്തിയ സമരത്തില്‍നിന്ന് കോവിഡ് പടരാനുള്ള സാധ്യതയുണ്ടെന്ന് ജില്ലാ പൊലീസ് മേധാവിക്ക് മുമ്പ് സ്‌പെഷ്യല്‍ ബ്രാഞ്ച് റിപ്പോര്‍ട്ട് നല്‍കിയിരുന്നു. ജില്ലയിലെ കോണ്‍ഗ്രസ് എംപി, എംഎല്‍എമാര്‍, നേതാക്കള്‍ എന്നിവര്‍ക്കെതിരെ പകര്‍ച്ചവ്യാധി പ്രതിരോധ നിയമപ്രകാരം അന്ന് കേസെടുത്തു. തുടര്‍ന്ന് യുഡിഎഫ് നേതാക്കള്‍ നിരീക്ഷണത്തില്‍ പോകേണ്ടിവന്നു. ആയിരക്കണക്കിന് ആളുകളെ പങ്കെടുപ്പിച്ച് പ്രതിഷേധം സംഘടിപ്പിക്കാനാണ് നീക്കം.