കേരളത്തില്‍ ഇനി ആള്‍ക്കൂട്ട സമരങ്ങളില്ല

കോട്ടയം : കൊവിഡ് പശ്ചാതലത്തില്‍ കേരളത്തില്‍ ഇനി ഒരു വര്‍ഷത്തേക്ക് ആളെകുട്ടിയുള്ള സമരങ്ങള്‍ക്ക് സര്‍ക്കാര്‍ നിയന്ത്രണം ഏര്‍പ്പെടുത്തി. ഉറവിടം അറിയാത്ത രോഗബാധ വര്‍ദ്ധിക്കുന്ന സാഹചര്യത്തിലാണ് ഈ നടപടി. സമരങ്ങള്‍ക്ക് നിയന്ത്രണം ഏര്‍പ്പെടുത്തുന്ന കാര്യം സര്‍ക്കാര്‍ പരിഗണിക്കുന്ന കാര്യം ഇന്നലെ ഹെഡ്‌ലൈന്‍ കേരള റിപ്പോര്‍ട്ട് ചെയ്തിരുന്നു. തിരുവനന്തപുരത്ത് അടക്കം പൊലീസുകാര്‍ക്ക് രോംബാധ ഉണ്ടായത് മുന്‍നിര്‍ത്തിയായിരുന്നു ഇൗ ആലോചന . ഇത് സംബന്ധിച്ച പകര്‍ച്ച്‌വ്യാധി നിയമഭേദഗതി വിജ്ഞാപനം ഇന്നലെ പുറത്തിറക്കി. ഉത്തരവ് അനുസരിച്ച് 50 പേരില്‍ കൂടുതല്‍ ഉള്ള ഒരു പരിപാടികളും സംസ്ഥാനത്ത് നടത്താനും പറ്റില്ല. ഒരു വര്‍ഷത്തേക്കോ, അതല്ലങ്കില്‍ അടുത്ത ഓഡര്‍ പുറത്തിറങ്ങതുവരെ എന്നാണ് പറഞ്ഞിരിക്കുന്നത്. എല്ലാ പരിപാടികള്‍ക്കും അധികാരികളുടെ അനുമതി നേടിമാത്രമേ മുന്നോട്ടു നീങ്ങാന്‍ പറ്റൂ. . പൊതു സ്ഥലങ്ങളില്‍, ജോലി ചെയ്യുന്ന സ്ഥലങ്ങളില്‍, വാഹനങ്ങളില്‍, ആളുകള്‍ കൂടി ചേരുന്ന സ്ഥലങ്ങളില്‍ മാസ്‌ക് ധരിക്കുന്നത് നിര്‍ബന്ധമാണ് ആറ് അടി അകലം പാലിക്കണം. കല്യാണങ്ങള്‍ക്ക് ഒരു സമയത്ത് 50 പേരും മരണാനന്തര ചടങ്ങുകള്‍ക്ക് ഒരു സമയത്ത് 20 പേരും മാത്ര മാണ് പങ്കെടുക്കാന്‍ കഴിയുക. . സമരങ്ങള്‍, കൂടി ചേരലുകള്‍ തുടങ്ങിയവയ്ക്ക് മുന്‍കൂര്‍ അനുമതി വേണം. അനുമതി കിട്ടിയാല്‍ 10 പേര്‍ക്ക് മാത്രം. പങ്കെടുക്കാം. പൊതു സ്ഥലങ്ങളില്‍ തുപ്പാന്‍ പാടില്ല.കേരളത്തിലേയ്ക്ക് ഏതു സ്ഥലത്ത് നിന്നു വരുന്നവരും റവന്യു വകുപ്പിന്റെ ജാഗ്രത പോര്‍ട്ടലില്‍ റജിസ്റ്റര്‍ ചെയ്യുകയും വേണം.