മോന്‍സ് ഇടയുന്നു

 

കരുത്ത് കാട്ടാന്‍ പി ജെ ജോസഫ് കൂടുതല്‍ നേതാക്കളെ സ്വന്തംവിഭാഗത്തിലേക്ക് എത്തിക്കുന്നതിനെതിരെ ആ പാര്‍ട്ടിക്കുള്ളിലും മുറുമുറുപ്പ്. നിയമസഭാ സീറ്റും ജില്ലാ പഞ്ചായത്ത് സീറ്റും മോഹിച്ച് ജോസഫിനൊപ്പം ആദ്യം ചേര്‍ന്നവരും പഴയ വിശ്വസ്ഥനുമാണ് പുതിയ നീക്കത്തില്‍ അസ്വസ്ഥരായിരിക്കുന്നത്. പാര്‍ട്ടിയിലെ രണ്ടാമനായിരുന്ന മോന്‍സ് ജോസഫ് തന്നെയാണ് പുതിയ നീക്കത്തില്‍ കടുത്ത അസംതൃപ്തി പ്രകടിപ്പിച്ചിരിക്കുന്നത്. ഇടക്കാലത്ത് ഇടതു പാളയത്തിലേക്ക് പോയ ഫ്രാന്‍സിസ് ജോര്‍ജ് തിരികെ വന്നതാണ് മോന്‍സിന് വെല്ലുവിളി ആയിരിക്കുന്നത്. ജോസഫിനും മോന്‍സിനേക്കാള്‍ വിശ്വാസം ഫ്രാന്‍സിസ് ജോര്‍ജിനോടാണ്. കെ എം മാണി ജീവിച്ചിരുന്ന സമയത്ത് മോന്‍സ് കൂടുതലും മാണിയുടെ തീരുമാനങ്ങള്‍ നടപ്പിലാക്കാന്‍ സമവായ റോള്‍ എടുത്തിരുന്നതിന് ജോസഫ് അംഗീകരിച്ചിരുന്നില്ല. എന്നാല്‍ അന്ന് കരുത്ത് കുറവായിരുന്നതിനാല്‍ ജോസഫ് എല്ലാം അംഗീകരിക്കുകയായിരുന്നു. പുതിയ സാഹചര്യത്തില്‍ ഇതുവരെ മോന്‍സ് ജോസഫ് വിഭാഗത്തിനെ ന്യായീകരിക്കാന്‍ രംഗത്തുവന്നിട്ടില്ല എന്നതും ശ്രദ്ധേയമാണ്. ഇടത്തോട്ട് പോയാല്‍ സീറ്റ് ലഭിക്കില്ലെന്ന് ഉറപ്പുള്ള മൂന്ന് പേര്‍ കൂടി ജോസഫ് പക്ഷത്തേക്ക് വന്നേക്കുമെന്നാണ് റിപ്പോര്‍ട്ട്. നിയമസഭാ സീറ്റ് നോക്കിയാണ് കേരളാ കോണ്‍ഗ്രസിലെ കളം മാറ്റം. അധികാര മോഹമായിരുന്നു മാണി പക്ഷത്ത് നിന്ന് പലരേയും ജോസഫ് പക്ഷത്ത് എത്തിച്ചത്. അത് തുടരാനാണ് സാധ്യത. ഇത് തന്റെ പ്രൗഡികുറയ്ക്കുമെന്ന് മോന്‍സിനറിയാം . അതിനുള്ള മറുമരുന്ന് തേടുകയാണ് മോന്‍സ്. . തിരുല്ലയിലെ വിക്ടര്‍ ടി തോമസും പുതുശ്ശേരിയും കളം മാറാന്‍ സാധ്യത ഏറെയാണ്്. ജോയ് എബ്രഹാമും പ്രിന്‍സ് ലൂക്കോസും കോട്ടയം പാര്‍ലമെന്റ് സീറ്റ് ആഗ്രഹിച്ചവരാണ്. മാണിയില്‍ നിന്ന് അത് കിട്ടാതെ വന്നതോടെ അവര്‍ കളം മാറി. സജി മഞ്ഞക്കടമ്പന്‍ ആഗ്രഹിച്ചത് പൂഞ്ഞാര്‍ സീറ്റായിരുന്നു. അതും കിട്ടിയില്ല. ഉണ്ണിയാടന്‍ ആഗ്രഹിച്ചത് പാര്‍ട്ടി വൈസ് പ്രസിഡന്റ് പദവും. അതും കിട്ടാതെ വന്നപ്പോള്‍ ഉണ്ണിയാടന്‍ ജോസഫിനൊപ്പമായി. ഇനി ഉള്ളവരില്‍ വിക്ടര്‍ ടി തോമസിനും പുതുശ്ശേരിക്കും ആഗ്രഹിക്കുന്ന സീറ്റുകള്‍ മത്സരിക്കാന്‍ കിട്ടില്ല. പെരാമ്പ്രയില്‍ മുഹമ്മദ് ഇഖ്ബാലിനും ഇടതു പക്ഷത്താണെങ്കില്‍ സീറ്റ് നഷ്ടമാകും. പാലാ സീറ്റ് മോഹിച്ച ഇജെ അഗസ്തിയും കുര്യാക്കോസ് പടവനും ജോസ് കെ മാണി ക്യാമ്പ് വിട്ടു കഴിഞ്ഞു. ഇതിനൊക്കെ താങ്ങാന്‍ ആവില്ല അതിനുവേണ്ടി കാശുചിലവാക്കാനും പിരിക്കാനുമില്ല എന്നതാണ് മോന്‍സിന്റെ നിലപാട്.