ചീഫ് സെക്രട്ടറിയുടെ അടുത്തേക്ക് ഫയല്‍ നടന്നു പോയതല്ല.

ഇ ബസ്‌കമ്പനിയുടെ കരാറുകളും, ഫയലുംചീഫ് സെക്രട്ടറിയും ധനകാര്യ സെക്രട്ടറിയും കണ്ടതും പരിശോധിച്ചതും നോട്ട് എഴുതിയതും മുഖ്യമന്ത്രി എന്ന നിലയില്‍  താന്‍ നിര്‍ദേശിച്ചിട്ടാണന്ന് മുഖ്യമന്ത്രി പിണറായി വിജയന്‍ വ്യക്തമാക്കി. ഇക്കാര്യത്തില്‍ തെറ്റിദ്ധാരണ പരത്തരുത്,ഫയലിന്റെ ഒരു ഭാഗവും കാണിച്ചു. മുഖ്യമന്ത്രി നോട്ട് എഴുതിയ ഭാഗം മറച്ചു ഫയല്‍ ചീഫ് സെക്രട്ടറിയുടെ അടുത്തേക്ക് തനിയെ നടന്നു പോയതല്ല. ചീഫ് സെക്രട്ടറിയോട് അത് ആവശ്യപ്പെട്ടത് മുഖ്യമന്ത്രിയാണ്.ആ ഭാഗം എന്തിന് മറച്ചുവച്ചു? ഒരു തവണ മാത്രമല്ല, മുഖ്യമന്ത്രി ഇങ്ങനെ പരിശോധന ആവശ്യപ്പെട്ടത്.അത് മനസ്സിരുത്തി വായിക്കാന്‍ തയ്യാറാവണം.ഉന്നയിക്കുന്ന ആരോപണങ്ങള്‍ക്ക് ഉറപ്പുവേണം. ആരെങ്കിലും പറയുന്നത് കേട്ട് സമയം പാഴാക്കരുത്.   ഒരു പദ്ധതിയുമായും ബന്ധപ്പെട്ട് ഇവിടെ തെറ്റായ കാര്യങ്ങള്‍ നടന്നിട്ടില്ല,നടക്കുകയുമില്ല.ഏതെങ്കിലും ആക്ഷേപം കേട്ടതുകൊണ്ട് കേരളത്തിന്റെ ഭാവിക്ക് ഗുണപരമായ പദ്ധതി ഉപേക്ഷിക്കുകയുമില്ലെന്ന് മുഖ്യമന്ത്രി വ്യക്തമാക്ക ഇലക്ട്രിക് ബസ് നിര്‍മ്മാണ പദ്ധതി കേരളത്തില്‍ നിന്ന് പറിച്ച് കൊണ്ടുപോകാന്‍ ശ്രമം നടക്കുന്നുണ്ട്. അതിന് വളം വെച്ച് കൊടുക്കാന്‍ പ്രതിപക്ഷ നേതാവ് തയ്യാറാവരുത്. കേരളത്തെ വൈദ്യുത വാഹനത്തിന്റെ ഹബ്ബാക്കി മാറ്റുകയാണ് സര്‍ക്കാരിന്റെ ലക്ഷ്യം. കുറേ വൈദ്യുതി ബസ് ഉണ്ടാക്കുക മാത്രമല്ല ലക്ഷ്യം. അതടക്കം നിരത്തിലിറക്കി പൊതു ഗതാഗതം പ്രകൃതി സൗഹൃദമാക്കുക. വൈദ്യുത വാഹന നിര്‍മ്മാണ മേഖലയില്‍ അഭ്യസ്ത വിദ്യരായ ചെറുപ്പക്കാര്‍ക്ക് ജോലിക്ക് അവസരം ഒരുക്കും. ബാറ്ററി നിര്‍മ്മാണത്തിനടക്കം അവസരം ഒരുങ്ങും. വിവിധ മേഖലയില്‍ വളര്‍ച്ചയുണ്ടാകും. വ്യവസായ മേഖലയെ പരസ്പര ബന്ധിതവും കാലാനുസൃതവുമായ വളര്‍ച്ചയിലേക്ക് ഉയര്‍ത്താനാണ് ശ്രമം. അതിനെ ചുരുക്കിക്കാണാനും വിവാദത്തിലൂടെ തളര്‍ത്താനുമുള്ള ശ്രമം ജനവിരുദ്ധവും നാടിന്റെ വികസനത്തിന് എതിരുമാണെന്ന് മുഖ്യമന്ത്രി പറഞ്ഞു. പ്രൈസ് വാട്ടര്‍ ഹൗസ് കൂപ്പറിന് വിലക്കുണ്ടെങ്കില്‍ കേന്ദ്രസര്‍ക്കാരിന്റെ നെക്സിയില്‍ എങ്ങനെ അത് ഉള്‍പ്പെട്ടു?വസ്തുതകളെ ഭാഗികമായി അവതരിപ്പിച്ച് തെറ്റിദ്ധാരണ പരത്താനാണ് ശ്രമം.ഹെസ് കമ്പനിയുമായി ബന്ധപ്പെട്ട് കെഎഎല്‍ മറ്റ് കമ്പനികളുടെ താല്പര്യപത്രം ക്ഷണിച്ചിരുന്നു.താന്‍ യൂറോപ്പ് പര്യടനത്തിന് പോയത് 2019 മെയ് എട്ടുമുതലാണ്. ഇതുസംബന്ധിച്ച യോഗങ്ങള്‍ തുടങ്ങിയത് 2018 നവംബറിലാണ്.നിയമ,ധന വകുപ്പുകളുടെ പരിശോധനയ്ക്ക് ഈ ഫയല്‍ അയച്ചത് മുഖ്യമന്ത്രിയാണ്.ഇതുസംബന്ധിച്ച് ഒന്നും അറിയില്ലെന്ന് മന്ത്രി എ.കെ ശശീന്ദ്രന്‍ പറയാനേ വഴിയില്ല.ഇതിന്റെ ധാരണാപത്രം ഇതുവരെ ഒപ്പിട്ടിട്ടില്ല.ആ ഘട്ടത്തിലേ ഫയല്‍ മന്ത്രിസഭായോഗം പരിഗണിക്കേണ്ടതുള്ളു എന്നു പിണറായി വ്യക്തമാക്കി.