കാര്‍ഷിക കേരളവും പുതിയ കൃഷിയും

ഭൂപരിഷ്‌കരണ നിയമത്തിന്റെ അന്തസ്സത്ത നിലനിര്‍ത്തി തോട്ടങ്ങളില്‍ പഴവര്‍ഗങ്ങള്‍ ഉള്‍പ്പെടെ കൃഷി ചെയ്യുവാന്‍ തീരുമാനിച്ച് കേരളം. ഇതോടൊപ്പം തരിശുകിടക്കുന്ന ഭൂമിയില്‍ സുഭിക്ഷ കേരളം പദ്ധതി പ്രകാരം കൃഷി ചെയ്യുന്നതിന്റെ വിശദാംശങ്ങളും എല്‍.ഡി.എഫ് പരിശോധിച്ച് നടപ്പാക്കുകയാണ്. ഭൂപരിഷ്‌കരണ നിയമത്തില്‍ മാറ്റംവരുത്തി തോട്ടങ്ങളില്‍ പഴവര്‍ഗ കൃഷി നടത്താന്‍ അനുവദിക്കണമെന്ന നിര്‍ദേശം മികച്ച മാറ്റമാവും കേരളത്തില്‍ വരുത്തുക. ഭൂപരിഷ്‌കരണത്തിന്റെ അടിസ്ഥാന തത്ത്വങ്ങളില്‍നിന്ന് വ്യതിചലിക്കില്ല. തോട്ടങ്ങള്‍ സംരക്ഷിക്കുമെന്നും കാനം രാജേന്ദ്രന്‍ വ്യക്തമാക്കി. പുതിയ കൃഷിരീതികളിലേക്ക് കടക്കാതെ കര്‍ഷകര്‍ക്ക് മുന്നോട്ടുപോകാനാവില്ലെന്ന നിലപാടാണ് കര്‍ഷകസംഘം അടക്കം എല്ലാ സംഘടകള്‍ക്കുമുള്ളത്. യു ഡി എഫിലെ ഘടകക്ഷികളും ഇതിന് പിന്‍തുണ നല്‍കുന്നുണ്ട്. തോട്ടങ്ങളില്‍ മറ്റ് കൃഷികള്‍ അനുവദിക്കുന്നത് ആലോചിക്കുമ്പോള്‍ ഭൂമിയും വീടില്ലാത്തവരുടെ കാര്യംകൂടി പരിഗണിക്കണമെന്നും ചിലര്‍ ചൂണ്ടിക്കാട്ടിയിട്ടുണ്ട്.. തോട്ടങ്ങള്‍ ലാഭകരമല്ലെന്നും തൊഴിലാളികള്‍ കഷ്ടത്തിലാണെന്നുമുള്ള കണ്ടത്തിലല്‍ നിന്നാണ് അവര്‍ക്ക് ഗുണകരമാവുന്ന പുതിയ രീതി വരുന്നത്. പരിസ്ഥിതി ശാസ്ത്രജ്ഞര്‍, പരിസ്ഥിതി പ്രവര്‍ത്തകര്‍, ഭൂ പരിഷ്‌കരണ നിയമ വിദഗ്ധര്‍ തുടങ്ങിയവരുടെ അഭിപ്രായംകൂടി തേടിയശേഷം കൃഷിമന്ത്രിയുമായി കൂടിയാലോചിച്ച് നയരേഖ തയാറാക്കിയായിരിക്കും ഇനി നടപടികള്‍.