ടെസ്റ്റുകള്‍ക്ക് പിടികൊടുക്കാത്ത കൊവിഡ്

കൊവിഡ് രോഗത്തിന്റെ തുടക്കത്തിനേക്കാള്‍ ഭീതി കുറയ്ക്കാന്‍ സാധിച്ചിട്ടുണ്ടെങ്കിലും ടെസ്റ്റുകള്‍ക്ക് പിടിതരാതെ രോഗാണു വഴുതുന്നതായി ആരോഗ്യ വിദഗധര്‍. കേരളത്തില്‍ പുതുതായി കണ്ടത്തിയ രോഗികളുടെ എണ്ണമാണ് ഇത്തരത്തില്‍ ഒരു നിഗമനത്തിലേക്ക് ഇവരെ എത്തിക്കുന്നത്.രോഗാണുവിന്റെ ആദ്യഘട്ടത്തില്‍ ടെസ്റ്റുകളിലൂടെ ഇതിന്റെ സാന്നിധ്യം അറിയുവാന്‍ കഴിയുന്നില്ലന്ന് ഇവര്‍ ചൂണ്ടിക്കാണിക്കുന്നു. വിദേശത്തു നിന്നു മടങ്ങിയെത്തിയവരില്‍ ഏറ്റവും കൂടുതല്‍ രോഗബാധിതര്‍ തുടക്കം മുതല്‍ വിമാനയാത്രക്കാര്‍ക്കു റാപ്പിഡ് പരിശോധന നിര്‍ബന്ധമാക്കിയ യുഎഇയില്‍ നിന്നുള്ളവരിലാണെന്ന് ആരോഗ്യ വകുപ്പിന്റെ റിപ്പോര്‍ട്ട് പറയുന്നു. കഴിഞ്ഞ ജൂണ്‍ 18 വരെയുള്ള കണക്കുകള്‍ പ്രകാരം വിദേശത്തു നിന്നു മടങ്ങിയെത്തിയ ശേഷം രോഗം സ്ഥിരീകരിച്ചത് 1396 പേര്‍ക്കാണ്. ഇതില്‍ ദുബായില്‍ നിന്നുള്ള 403 പേരും അബുദാബിയില്‍ നിന്നുള്ള 237 പേരും ഉള്‍പ്പെടെ യുഎഇയില്‍ നിന്നുള്ളവരാണ് 676 പേര്‍. നിലവില്‍ നടക്കുന്ന റാപ്പിഡ് ടെസ്റ്റുകള്‍ രോഗസ്ഥിരീകരണം ഉറപ്പാക്കുന്നവയല്ലെന്ന വിദഗ്ധരുടെ മുന്നറിയിപ്പ് ശരിവയ്ക്കുന്നതാണ് ഈ കണക്കുകള്‍.രോഗനിര്‍ണയത്തിന് ഏറ്റവുമധികം ആശ്രയിക്കപ്പെടുന്ന പിസിആര്‍ ടെസ്റ്റുകള്‍ പോലും രോഗബാധയുടെ ആദ്യ ദിവസങ്ങളില്‍ നെഗറ്റീവ് ആവാന്‍ സാധ്യതയുണ്ടെന്നും വിദഗ്ധര്‍ പറയുന്നു.