സെലിബ്രറ്റികളും മിശ്ര വിവാഹവും

  കേരളത്തില്‍ ഏറ്റവും കൂടുതല്‍ ചര്‍ച്ചചെയ്യുന്നതും വിറ്റഴിക്കുന്നതും സെലിബ്രറ്റികളാണ്. സാംസ്‌കാരിക മാധ്യമ പ്രവര്‍ത്തനം എന്ന് വീമ്പു പറയുമെങ്കിലും പലപ്പോഴും പാപ്പരാസിയിലാണ് കാര്യങ്ങള്‍ എത്തുന്നത്. സെലിബ്രിറ്റികളെന്നു വിളിക്കപ്പെടുന്നവരുടെ പ്രണയവും പ്രസവവും പിറന്നാളുമൊക്കെ കേരളത്തിലും വാര്‍ത്തയാവുന്നതിന് കാരണവും അതാണ്. ഏറ്റവും അവസാനത്തെ കണ്ണിയാണ് വീണയുടെയും റിയാസിന്റെയും വിവാഹം . റിയാസ് യുവജന സംഘടനാ നേതാവ് എന്നതിനപ്പുറം കേരളത്തിന്റെ മുഖ്യമന്ത്രിയുടെ മകള്‍ മിശ്രവിവാഹിതയാകുന്നു എന്നതാണ് സവിശേഷത. കേരളത്തിലെ ആദ്യത്തെ മന്ത്രിസഭയുടെ കാലത്ത് രണ്ട് മന്ത്രിമാരുടെ പരസ്പര വിവാഹത്തിന്, മിശ്രവിവാഹത്തിന് സംസ്ഥാനം സാക്ഷ്യം വഹിച്ചു. കേരളത്തിലെ ആദ്യത്തെ വനിതാമന്ത്രിയായ കെ.ആര്‍. ഗൗരിഅമ്മയെ വിവാഹം ചെയ്തത് ടി.വി. തോമസാണ്. സംസ്ഥാനത്തെ ആദ്യ പൊതുമരാമത്ത് മന്ത്രി ടി.എ. മജീദിന്റെ മകന്‍ നസീര്‍ വിവാഹം കഴിച്ചത് സിപിഐയുടെ താത്ത്വികാചാര്യന്‍ എന്‍. ഇ. ബലറാമിന്റെ മകള്‍ ഗീതയെയാണ്. കൂത്താട്ടുകുളം മേരിയുടെ മകള്‍ ഷൈലയെയാണ് സിപിഐയുടെ രാജ്യസഭാ എംപി ബിനോയ് വിശ്വം വിവാഹം കഴിച്ചത്. ഡിവൈഎഫ്‌ഐയുടെ നിലവിലെ സംസ്ഥാന സെക്രട്ടറി എ.എ. റഹിമിന്റെ ഭാര്യ അമൃതയാണ്. സഹോദരിമാരായ എന്‍. സുകന്യ എസ്എഫ്‌ഐ സംസ്ഥാന പ്രസിഡന്റായിരുന്ന ജയിംസ് മാത്യുവിന്റെ ഭാര്യയായപ്പോള്‍ എന്‍.സുസ്മിത പിന്നാലെ സംസ്ഥാന സെക്രട്ടറിയായ യു.പി. ജോസഫിന്റെ പത്‌നിയായി. ജയിംസ് മാത്യു തളിപ്പറമ്പ് എംഎല്‍എയാണെങ്കില്‍, കേരള സര്‍വകലാശാലാ യൂണിയന്‍ ചെയര്‍പെഴ്‌സണായിരുന്ന സുകന്യ അധ്യാപികയും ജനാധിപത്യ മഹിളാ അസോസിയേഷന്‍ കേന്ദ്രകമ്മിറ്റി അംഗവുമാണ്. സുസ്മിത മാധ്യമപ്രവര്‍ത്തകയും ജോസഫ് സിപിഎം തൃശൂര്‍ ജില്ലാ സെക്രട്ടേറിയറ്റ് അംഗവും സിഐടിയു തൃശൂര്‍ ജില്ലാ സെക്രട്ടറിയുമാണ്. സിപിഎം സംസ്ഥാന സമിതി അംഗവും കര്‍ഷക സംഘം സംസ്ഥാന പ്രസിഡന്റുമായ രാഗേഷിന്റെ ഭാര്യ പ്രിയാ വര്‍ഗീസ്. സിപിഎം സംസ്ഥാന സമിതി അംഗവും മുന്‍ എംപിയുമായ രാജേഷിന്റെ ഭാര്യ അധ്യാപക സംഘടനയായ കെഎസ്ടിഎ നേതാവ് റഷീദ് കണിച്ചേരിയുടെ മകള്‍ നിനിത കണിച്ചേരിയാണ്. കാട്ടാക്കട എംഎല്‍എ ഐ.ബി. സതീഷിന്റെ ഭാര്യ സുജയുടെ പിതാവ് പ്രൊഫ.ഹുസൈന്‍. ഹുസൈന്റെ ഭാര്യ പ്രൊഫ.പത്മകുമാരി. ഹുസൈന്റെ സഹോദരങ്ങളില്‍ ആസൂത്രണ ബോര്‍ഡ് അംഗം ഡോ.ബി.ഇക്ബാല്‍ ഒഴികെ എല്ലാവരും മിശ്ര വിവാഹിതരാണ്. മറ്റൊരു സഹോദരന്‍ കെ.ബി. മുഹമ്മദാലി വിവാഹം ചെയ്തത് കാര്‍ഷിക ശാസ്ത്രജ്ഞയായ തങ്കമ്മയെ. ഈ ദമ്പതികളുടെ മകനാണ് കെ.എം ഷാജഹാന്‍. വി.എസ് അച്യുതാനന്ദന്‍ അഡീഷണല്‍ പ്രൈവറ്റ് സെക്രട്ടറിയായിരുന്ന ഷാജഹാന്റെ ഭാര്യ കരോളിന്‍ കെ.വര്‍ക്കിയാണ്. കോണ്‍ഗ്രസ് നേതാവ് വയലാര്‍ രവി മെഴ്‌സിയെ വിവാഹം ചെയ്തത് അക്കാലത്ത് വലിയ സംഭവമായിരുന്നു. തൃക്കാക്കര എംഎല്‍എയായ പി.ടി. തോമസ് വിവാഹം ചെയ്തത് ബ്രാഹ്മണ സമുദായാംഗമായ ഉമയെയാണ്. കോണ്‍ഗ്രസിന്റെ ചരിത്രത്തിലുണ്ട് മിശ്ര വിവാഹങ്ങള്‍്. കാശ്മീരി ബ്രാഹ്മണനായ ജവഹര്‍ലാല്‍ നെഹ്‌റുവിന്റെ മകള്‍ ഇന്ദിരാവുടെ വരന്‍ പാഴ്‌സി സമുദായാംഗമായ ഫിറോസ് ഗാന്ധി. ഇന്ദിര ആ സാരി മകന്‍ രാജീവിന്റെ ഭാര്യ ഇറ്റലിക്കാരി സോണിയയ്ക്ക് നല്‍കി കുടുംബത്തിലേക്ക് സ്വീകരിച്ചു. സോണിയയുടെ മകള്‍ പ്രിയങ്ക ക്രിസ്ത്യാനിയായ റോബര്‍ട്ട് വാധ്രെയെയാണ് ജീവിത പങ്കാളിയാക്കിയത്. സാഹിത്യകാരനായ പെരുമ്പടവം ശ്രീധരന് പ്രിയപ്പെട്ട ലൈലയുമൊത്ത് ജീവിക്കാന്‍ നാടുവിടേണ്ടി വന്നു. അങ്ങനെയാണ് തിരുവനന്തപുരം തമലത്ത് താമസമാക്കിയത്. സിനിമയില്‍, സംവിധായകന്‍ ഷാജി കൈലാസ് ജീവിതനായികയാക്കിയത് തന്റേതുള്‍പ്പെടെയുള്ള സിനിമകളിലെ നായികയായിരുന്ന ആനിയെയാണ്. ഇരുവീട്ടുകാരുടെയും പൂര്‍ണ പിന്തുണയോടെയാണ് സംവിധായകന്‍ ആഷിക് അബു നടി റീമ കല്ലിങ്കലിനെ ജീവിത സഖിയാക്കിയത് . കേരളത്തിലെ ആദ്യ വനിതാ ചീഫ് ഇലക്റ്ററല്‍ ഓഫീസറായിരുന്ന, മുന്‍ ചീഫ് സെക്രട്ടറി നളിനി നെറ്റോ വിവാഹം ചെയ്തത് ഐപിഎസുകാരനായ ഡെസ്മണ്ട് നെറ്റോയെയാണ്. കേരളത്തിലെ അറിയപ്പെടുന്ന കയര്‍ വ്യവസായി ആലപ്പുഴയിലെ കെ.സി. കരുണാകരനാണ് കേരളത്തിലെ ആദ്യകാല മിശ്രവിവാഹിതരിലൊരാള്‍. ലണ്ടനില്‍നിന്നും ബിരുദ, ബിരുദാനന്തര ബിരുദങ്ങള്‍ നേടിയ അദ്ദേഹം അവിടെ വച്ച് പരിചയപ്പെട്ട ജര്‍മനിക്കാരിയായ മാര്‍ഗ്രറ്റിനെ ജീവിതസഖിയാക്കുകയായിരുന്ന