വടകരയില്‍ മാനംകാക്കാന്‍ മുരളീധരന്‍

വടകരയില്‍ അണികളെ ആവേശത്തില്‍ ആക്കി കെ മുരളീധരന്‍ ഇറങ്ങുന്നു. വടകരയില്‍ കോണ്‍ഗ്രസ്സ് നേതാക്കള്‍ മത്സരത്തില്‍ നിന്നും ഒളിച്ചോടുന്നു എന്ന പ്രചരണം ശക്തമായിരുന്നു. മുരളീധരന്‍റെ രംഗപ്രവേ ശനത്തിലൂടെ ഇതിനെയെല്ലാം മറികടക്കാന്‍ കോണ്‍ഗ്രസ്സ് നു കഴിഞ്ഞു. രാഹുല്‍ ഗാന്ധിയുടെ ഇടപെടല്‍ ഫലം കാണുകയായിരുന്നു. നിലവില്‍ വട്ടിയൂര്‍കാവ്‌ MLA ആണ് മുരളീധരന്‍. ശക്തനായ ഒരു സ്ഥാനാര്‍ഥി തന്നെ വടകരയില്‍ എത്തണം എന്ന ലക്ഷ്യത്തോടെ ഉള്ള മുസ്ലീം ലീഗിന്റെ ഇടപെടലും മുരലീധരന്‍ എന്ന തീരുമാനത്തിന് ആക്കം കൂട്ടി. വടകരയിലെയും വയനാട്ടിലെയും സ്ഥാനാര്‍ഥി നിര്‍ണയം വൈകിയത് അണികളില്‍ ആശങ്കയും നിരാശയും ഉണ്ടാക്കിയിരുന്നു. വടക്കന്‍ കേരളത്തിലെ മുഴുവന്‍ UDF പ്രചാരണത്തെ അത് ബാധിക്കുമോ എന്നാ ആശങ്ക ഘടക കഷികള്‍ക്കിടയില്‍ പോലും ഉണ്ടായിരുന്നു. എന്നാല്‍ മുരളീധരന്‍ടെ വരവോടെ UDF ക്യാമ്പ്‌ കൂടുതല്‍ സജീവമാകും. പ്രചാരണത്തിലൂടെ ബഹുദൂരം മുന്‍പില്‍ എത്തികഴിഞ്ഞു പി ജയരാജന്‍. എന്നാല്‍ വരും ദിവസങ്ങളില്‍ ഈ മേല്‍കൈ മറികടക്കാന്‍ കഴിയും എന്നാണ് UDF കേന്ദ്രങ്ങള്‍ കരുതുന്നത്. മുരളീധരന്റെ വരവോടെ കേരളത്തിലെ ഏറ്റവും വാശി ഏറിയ പോരാട്ടം വടകരയില്‍ തന്നെ എന്ന കാര്യത്തില്‍ സംശയം ഇല്ല.