പഞ്ചായത്ത് കണ്ട് മസില്‍ പിടിക്കണോ

  വടക്കന്‍ കേരളത്തില്‍ പഞ്ചായത്ത് തിരഞ്ഞെടുപ്പിലെ നോം സി പി എം അണികള്‍ക്ക് ആവേശമാവുന്നു . ശബരിമല വിഷയത്തില്‍ എല്ലാം തകര്‍ന്നു എന്ന് കരുതി നിന്ന പ്രവര്‍ത്തകരാണ് തിരിച്ച് ആവേശത്തില്‍ എത്തിയിരിക്കുന്നത്. ഇക്കുറി കുഞ്ഞാലിക്കുട്ടിയെ വരെ വീഴ്ത്താം എന്നാണ് അവരുടെ ഭാവം. മലപ്പുറം ജില്ലയില്‍ ഉപതെരഞ്ഞെടുപ്പ് നടന്ന കാവനൂര്‍ പഞ്ചായത്തിലെ 16-ാം വാര്‍ഡില്‍ എല്‍ഡിഎഫിന് അട്ടിമറി ജയം. എല്‍ഡിഎഫ് സ്ഥാനാര്‍ഥി പൊട്ടണംചാലി ഷാഹിന (മിനി) യാണ് വിജയിച്ചത്. ഇതോടെ പഞ്ചായത്ത് ഭരണം എല്‍ഡിഎഫിന് ലഭിക്കും. മുസ്ലീം ലീഗിന്റെ സിറ്റിങ് സീറ്റാണ് പിടിച്ചെടുത്തത്. പഞ്ചായത്ത് ഭരണം നേടാന്‍ ഭരണസമിതി അംഗത്തെ കൂറുമാറ്റാന്‍ ഇടപെട്ട യുഡിഎഫ് നേതാക്കളുടെ നടപടിയില്‍ പ്രതിഷേധിച്ച് യുഡിഎഫ് അംഗം ഫാത്തിമ ഉമ്മര്‍ രാജിവച്ച ഒഴിവിലാണ് ഉപതെരഞ്ഞെടുപ്പ് നടന്നത്. യുഡിഎഫിലെ മുക്കണ്ണന്‍ സഫിയയും ബിജെപിയിലെ ആഷിജയും മത്സരരംഗത്തുണ്ടായിരുന്നു.