ആ സത്യം ലോകത്തോട് വെളിപ്പെടുത്തി ന്യൂസിലാന്‍ഡ് പ്രധാനമന്ത്രി ജസീന്ദ അര്‍ഡേണ്‍ !

താന്‍ ഗര്‍ഭിണിയാണെന്ന സത്യം ലോകത്തെ അറിയിച്ച് ന്യുസിലന്‍ഡ് പ്രധാനമന്ത്രി ജസീന്ദ അര്‍ഡേണ്‍. താനും പങ്കാളി ക്ലാര്‍ക്കെ ഗേഫോര്‍ഡും കുഞ്ഞിനെ കാത്തിരിക്കുകയാണ്. ജൂണില്‍ കുഞ്ഞ് എത്തുമെന്നാണ് പ്രതീക്ഷിക്കുന്നത്. കുഞ്ഞിന്റെ ആരോഗ്യത്തിനായി ആറ് ആഴ്ചത്തേക്ക് താന്‍ അവധിയില്‍ പ്രവേശിക്കുകയാണ്. 2017 ഒരു മഹത്തായ വര്‍ഷമാണെന്ന് തങ്ങള്‍ കരുതുന്നതായും 37കാരിയായ പ്രധാനമന്ത്രി ഇന്‍സ്റ്റഗ്രാമില്‍ കുറിച്ചു.

അധികാരത്തിലിരിക്കേ അമ്മയാകുന്ന ലോകത്തെ രണ്ടാമത്തെ തെരഞ്ഞെടുക്കപ്പെട്ട ഭരണാധികാരിയാണ് ജസീന്ദ. 1990ല്‍ പാകിസ്താന്‍ പ്രധാനമന്ത്രിയായിരുന്ന ബേനസീര്‍ ഭൂട്ടോയാണ് ഈ നേട്ടത്തിന്റെ ആദ്യ ഉടമ.